naat
اتنی کشش کہاں بھلا باغِ ارم میں ہے
اتنی کشش کہاں بھلا باغِ ارم میں ہے
جتنی حضور آپ کے نقشِ قدم میں ہے
Itni kashish kahan bhala baagh-e-aram mein hai
Jitni Huzoor aap ke naqsh-e-qadam mein hai
تخلیقِ کائنات کی ترتیبِ ابجدی
محبوبِ ایزدی کی نگاہِ حشم میں ہے
Takhleeq-e-kainaat ki tarteeb-e-abjadi
Mehboob-e-ezdi ki nigah-e-hasham mein hai
لکھے فقط مناقبِ سردارِ کائنات
اے کاش جس قدر بھی سیاھی قلم میں ہے
Likhe faqat manaqib-e-sardar-e-kainaat
Ae kaash jis qadar bhi siyahi qalam mein hai
رکھ لے وہ اپنے پاس ہی دل زائرین کے
ایسی کشش ادائی درِ محترم میں ہے
Rakh le wo apne paas hi dil zaireen ke
Aisi kashish adaai dar-e-mohtaram mein hai
نکلیں جو ذکرِ ماہِ مدینہ پہ آنکھ سے
عزت اُن آنسوؤں کی بھی اپنے دھرم میں ہے
Nikalein jo zikr-e-maah-e-Madina pe aankh se
Izzat un aansoo'on ki bhi apne dharam mein hai
ہاں ہاں علاجِ گرمئِ میدانِ حشر بھی
واللّٰہْ ظلِّ چادرِ شاہِ امم میں ہے
Haan haan ilaaj-e-garmi-e-maidaan-e-hashar bhi
Wallah zill-e-chadar-e-shaah-e-ummam mein hai
باطل پرست یونہی نہیں خوف میں پڑے
حیدر کا رعب آج بھی حق کے علم میں ہے
Batil parast yonhi nahi khauf mein pare
Haider ka raub aaj bhi haq ke alam mein hai
حاجت ہے بس اُسی کی تبسم کو حشر میں
جو کچھ چھپا ہوا ترے ظلِّ کرم میں ہے
Haajat hai bas usi ki tabassum ko hashar mein
Jo kuch chupa hua tere zill-e-karam mein hai
Share This Naat
Share with friends and family
اتنی کشش کہاں بھلا باغِ ارم میں ہے
حافظ محمد ابوبکر تبسمؔ