جس دِل وچہ حُب نبیؐ دی نئیں اوہدی بولی وچ تاثیر نئیں
جنہوں درد دی دولت مل گئی اے ودھ اوس توں کوئی امیر نئیں
Jis dil vich hub Nabiؐ di naeen ohdi boli vich taseer naeen
Jenhoon dard di dolat mil gayi ae vadh os ton koi ameer naeen
کیہہ دساں شان اس سینے دی جہدے اندر یاد مدینے دی
سونہہ رب دی دونہاں جہاناں وچہ کوئی ایہدے جیہی جاگیر نئیں
Keh dassaan shaan us seene di jehde andar yaad Madeene di
Sohn rab di donhaan jahanaan vich koi ehde jehi jageer naeen
اللہ دے بندیاں دی مرضی اللہ پوری کر دیندا اے
قادر دی مرضی توں ودھ کے کوئی وکھری شے تقدیر نئیں
Allah de bandiaan di marzi Allah poori kar dinda ae
Qadir di marzi ton vadh ke koi vakhri shaye taqdeer naeen
ایتھے کم ناہیں تاویلاں دا اساں سُٹیا بھار دلیلاں دا
جتھے عشق ہے جج اپیلاں دا اوتھے عقلاں دی تقریر نئیں
Eithe kam naaheen taweelaan da assan sutiya bhaar daleelaan da
Jithe ishq hai judge apeelaan da othe aqlan di taqreer naeen
پڑھ پہلا سبق عقیدت دا جے لبھنا ایں راہ حقیقت دا
کیہہ فائدہ شان و شوکت دا جے چنگی ہوئی اخیر نئیں
Parh pehla sabaq aqeedat da je labhna ayn raah haqeeqat da
Keh faida shaan o shaukat da je changi hui akhir naeen
مل جائے گدائی اس در دی جہدی تاہنگ فرشتے رکھدے نیں
اوس رب توں ظہوریؔ کیہہ لینا جو یار دے در دا فقیر نئیں
Mil jaye gadayi us dar di jehdi tahang farishte rakhde ne
Os Rabb ton Zahooriؔ keh lena jo yaar de dar da faqeer naeen
Share This Naat
Share with friends and family
جس دِل وچہ حُب نبیؐ دی نئیں اوہدی بولی وچ تاثیر نئیں
محمد علی ظہوری