جو عشق نبی کے جلووؔں کو سینوں میں بسایا کرتے ہیں
اللہ کی رحمت کے بادل اُن لوگوں پہ سایہ کرتے ہیں
Jo ishq Nabi ke jalwoon ko seenoon mein basaya karte hain
Allah ki rehmat ke badal un logon pe saya karte hain
جب اپنے غلاموں کی آقا تقدیر بنایا کرتے ہیں
جنّت کی سند دینے کے لیے روضے پہ بلایا کرتے ہیں
Jab apne ghulamon ki Aaqa taqdeer banaya karte hain
Jannat ki sanad dene ke liye roza pe bulaya karte hain
مخلوق کی بگڑی بنتی ہے، خالق کو بھی پیار آجاتا ہے
جب بہرِ دعا محبوبِ خدا ہاتھوں کو اٹھایا کرتے ہیں
Makhlooq ki bigrri banti hai, Khaaliq ko bhi pyar aata hai
Jab behr-e-dua Mehboob-e-Khuda haathon ko uthaya karte hain
اے دولتِ عرفاں کے منگتو، اس در پہ چلو جس در پہ سدا
دن رات خزانے رحمت کے سرکار لُٹایا کرتے ہیں
Ae doulat-e-irfan ke mangto, is dar pe chalo jis dar pe sada
Din raat khazane rehmat ke Sarkar lutaya karte hain
گرداب بلا میں پھنس کے کوئی طیبہ کی طرف تکتا ہے
سلطانِ مدینہ خود آکر، کشتی کو ترایا کرتے ہیں
Gardaab bala mein phans ke koi Tayyiba ki taraf takta hai
Sultan-e-Madina khud akar, kashti ko taraya karte hain
وہ نزع کی سختی ہو اے دل، یا قبر کی مشکل منزل ہو
وہ اپنے غلاموں کی اکثر امداد کو آیا کرتے ہیں
Woh naza ki sakhti ho ae dil, ya qabr ki mushkil manzil ho
Woh apne ghulamon ki aksar imdad ko aaya karte hain
ہے شغل ہمارا شام و سحر اور ناز سکندر قسمت پر
محفل کی رسولِ اکرم کی ہم نعت سُنایا کرتے ہیں
Hai shughul hamara shaam o seher aur naaz Sikandar qismat par
Mehfil ki Rasool-e-Akram ki hum naat sunaya karte hain
Share This Naat
Share with friends and family
جو عشق نبی کے جلووؔں
سکندر لکھنوی