پیار نبیؐ دے پر لائے نیں شعراں نوں
بخشی نویں حیاتی میریاں سوچاں نوں
Pyaar Nabiؐ de par laaye ne shaaraan noon
Bakhshī naveen hayati meriyan sochaan noon
اوہدی سیرت سِدّھا رستہ دَسّے گی
حشر سمے تک آون والیاں نسلاں نوں
Ohdi seerat sidhha rastha dassse gi
Hashar same tak aavan waalian naslaan noon
اوہدا اسوہ کافی اے ھر دَور لئی
ہُن نہیں لوڑ کسے رہبر دی لوکاں نوں
Ohda uswa kafi ae har daur lai
Hun nahin lorh kise rehbar di lokaan noon
اوسے دا دستُور مُبارک ہے جیہڑا
پُوریاں کرسی ہر ویلے دیاں لوڑاں نوں
Ose da dastoor mubarak hai jehra
Pooriyan karsi har waale diyaan lorhaan noon
رَبّ نے دین مکّمل کیتا اوسے تے
اوسے نے چمکایا ساریاں قدراں نوں
Rabb ne deen mukammal kita ose te
Ose ne chamkaya saariyaan qadran noon
چانن دے ول اوسے آکے ٹوریا سی
نہیریاں وچوں کڈھ کے سبھ انساناں نوں
Chanan de wal ose aake toriya si
Nehriyaan vichon kadh ke sabh insanaan noon
سَنگل کٹےّ اوسے آن غُلامی دے
جیون دا حق دِتّا سبھ مجُبوراں نوں
Sangal katte ose aan ghulami de
Jeevan da haq ditta sabh majbooraan noon
اوسے دی اک جھات داے اکّھر طالب نیں
دِتیاں بخش زباناں جس نے روڑاں نو ں
Ose di ik jhaat da ae akhar talib ne
Dittiyan bakhsh zabanaan jis ne roraan noon
Share This Naat
Share with friends and family
پیار نبیؐ دے پر لائے نیں شعراں نوں
حفیظ تائب