نطق و بیان و ہمّتِ گفتار دم بخود
وہ جلوہ ہائے نور کہ اظہار دم بخود
Nuqt-o bayan-o himmat-e guftar dam ba-khud
Wo jalwa ha'e noor ke izhar dam ba-khud
نقطہ بھی حسنِ اسمِ محمّد پہ بار ہے
تشبیہ ،استعارہ و اشعار دم بخود
Nuqta bhi husn-e ism-e Muhammad pe baar hai
Tashbeeh, estiarah-o ash'ar dam ba-khud
تحریر ہو تو کیسے جلالت مآب حسن
خامہ دو نیم سرنگوں ، افکار دم بخود
Tehreer ho to kaise jalalat maab husn
Khama do neem sar-nigoon, afkar dam ba-khud
وہ تابشِ ضحٰی ہو کہ والّیل کا جمال
ان کے حضور دن کہ شب تار، دم بخود
Wo tabish-e zuha ho ke wal-lail ka jamal
Un ke huzur din ke shab-e taar, dam ba-khud
قرآں سرا ہوئے جو وہ قدسی مقال لب
دانشوارنِ عصر تھے لاچار دم بخود
Quran sara huwe jo wo qudsi maqaal lab
Danishwaran-e asar the laachaar dam ba-khud
عالم ہے ایک دیدۂ حیرت بصد نیاز
جلوہ کریں حضور تو ابصار دم بخود
Aalam hai ek deedah-e hairat ba-sad niaz
Jalwa karein huzur to absaar dam ba-khud
اِس دشت جاں میں چمکیں اگر ان کے پائے ناز
ہوں چشم و گوش و لب پئے دیدار دم بخود
Is dasht-e jaan mein chamkein agar un ke pa'e naaz
Hon chashm-o gosh-o lab pa'e deedaar dam ba-khud
چوموں کبھی جو خواب میں بھی ان کا نقشِ پا
مخمور جاں ہو دل بھی ہو سرشار دم بخود
Choomun kabhi jo khawab mein bhi un ka naqsh-e pa
Makhmoor jaan ho dil bhi ho sarshaar dam ba-khud
امڈی جو ان کی یاد تو جل تھل تھا روح تک
آنسو سرشکِ خوں ہوئے رُخسار دم بخود
Umri jo un ki yaad to jal thal tha rooh tak
Aansoo surshak-e khoon huwe rukhsaar dam ba-khud
نوری فضائے شہرِ مدینہ نظر میں ہے
اس حاضری پہ طالعِ بیدار دم بخود
Noori faza-e shehr-e Madinah nazar mein hai
Is hazri pe taale-e bedaar dam ba-khud
Share This Naat
Share with friends and family
نطق و بیان و ہمّتِ گفتار دم بخود
محمد ظفراقبال نوری