سحاب ، از پئے کشتِ امل درود شریف
بہار ،از پئے باغِ عمل درود شریف
Sahab, az paye kasht e amal darood shareef
Bahar, az paye bagh e amal darood shareef
دوائے دافعِ درد ِ خلل درود شریف
طبیبِ شافیِ جملہ علل درود شریف
Dawa e dafi' e dard e khalal darood shareef
Tabib e shafi e jumla 'ilal darood shareef
قسیمِ کشفِ رموزِ علومِ عقل و نُقول
کلیدِ علمِ حساب و رمل درود شریف
Qaseem e kashf e ramooz e 'uloom e 'aql o nuqool
Kaleed e 'ilm e hisaab o raml darood shareef
کرے گا اہل سنن کو بروز حشر عزیز
مٹا کے دفترِ جرمِ اَذَل درود شریف
Kare ga ahal e sunan ko baroz e hashr 'azeez
Mita ke daftar e jurm e azal darood shareef
حصارِ حفظ ہے ہر غم سے تا دمِ آخر
حفیظِ دیں ہے بہ وقت اجل درود شریف
Hisar e hifz hai har gham se ta dam e aakhir
Hafeez e deen hai ba waqt e ajal darood shareef
چمن مثال بناتا ہے دشتِ عمرِ رواں
بہ فیضِ صاحبِ مشکیں بغل ، درود شریف
Chaman misaal banata hai dasht e 'umr e rawaan
Ba faiz e sahib e mushkeen baghal, darood shareef
درود اور دعاؤں کے تجربوں سے کھلا
’’ ہر اک دعا کا ہے نعم البدل درود شریف‘‘
Darood aur duaaon ke tajurbo se khula
'' Har ak dua ka hai n'em ul badal darood shareef''
وہ جس کے رس نے حلاوت ہے شہد کو بخشی
وہی ہے شجرۂِ رحمت کا پھل درود شریف
Wo jis ke ras ne halawat hai shehad ko bakhshi
Wohi hai shajara e rehmat ka phal darood shareef
رہے جو ورد یہ کثرت سے ، تو بہ تیغِ اثر
کرے گا بازوئے ہر غم کو شل درود شریف
Rahe jo wird ye kasrat se, to ba tegh e asar
Kare ga bazoo e har gham ko shal darood shareef
جبھی تو ان کو کوئی بھی ہِلا نہیں سکتا
کہ پڑھ رہے ہیں مسلسل جبل درود شریف
Jabhi to un ko koi bhi hila nahi sakta
Ke parh rahe hain musalsal jabal darood shareef
رکھے گا ان کو معظمؔ سدا یہ نزدِ خدا
ہے ورد جن کا اَعَزُّ العمل درود شریف
Rakhe ga un ko Mo'azzam sada ye nazde Khuda
Hai wird jin ka a'azul amal darood shareef
Share This Naat
Share with friends and family
سحاب ، از پئے کشتِ امل درود شریف
معظم سدا معظم مدنی