راحت جاں ہے خیال شہؐ مکی مدنی
مرحبا حسن و جمال شہؐ مکی مدنی
Rahat e jaaN hai khyaal e sha Maki Madni
Marhaba husn o jamal e sha Maki Madni
اے خدا صدقہ آل شہؐ مکی مدنی
کر عطا سوز بلال شہؐ مکی مدنی
Ae Khuda sadqa Aal e sha Maki Madni
Kar ata soz e Bilal e sha Maki Madni
با ادب قبر میں آئیں گے فرشتے مرے پاس
میں کہ ہوں محو خیال شہؐ مکی مدنی
Ba adab qabr mein aayenge farishte mere paas
Mein keh hun mehve khyaal e sha Maki Madni
لی مع اللہ سے واقف نہیں جبریلؑ امیں
کیا بشر سمجھے گا حال شہؐ مکی مدنی
Li ma'Allah se waqif nahi Jibreel Ameen
Kya bashar samjhega haal e sha Maki Madni
بخشوانے کے لئے ہم سے گنہگاروں کو
حشر میں ہوگا سوال شہؐ مکی مدنی
Bakhshwane ke liye hum se gunaahgaaron ko
Hashr mein hoga sawal e sha Maki Madni
کیا بنائی ہے خدا نے شہؐ دیں کی صورت
کیا حسیں ہیں خدوخال شہؐ مکی مدنی
Kya banai hai Khuda ne sha e deen ki surat
Kya haseen hain khadokhaal e sha Maki Madni
چاہتے ہیں کہ رہیں عشق نبیؐ میں سرشار
ہم غلامان بلال شہؐ مکی مدنی
Chaahte hain ke rahein ishqe Nabi mein sarshaar
Hum ghulaman e Bilal e sha Maki Madni
گفتہ احمدؐ مختار خدا کا ہے کلام
وحی یزداں ہے مقال شہؐ مکی مدنی
Gufta Ahmad e Mukhtar Khuda ka hai kalaam
Wahi Yazdaan hai maqal e sha Maki Madni
کس کو جز صاحب معراج ملا ہے یہ مقام
عرش ہے زیرنعال شہؐ مکی مدنی
Kis ko juz sahib e Meraj mila hai ye maqam
Arsh hai zair e naal e sha Maki Madni
عرش و کرسی پہ بھی تھا وجد کا عالم طاری
جب ہوا حق سے وصال شہؐ مکی مدنی
Arsh o kursi pe bhi tha wajd ka alam taari
Jab hua haq se wisaal e sha Maki Madni
میں تو کیا چشم ملائک نہ کبھی دیکھ سکی
کوئی انسان مثال شہؐ مکی مدنی
Main to kya chashm e malaaiq na kabhi dekh saki
Koi insaan misaal e sha Maki Madni
بخش دے گا مرے عصیاں کو قیامت میں خدا
دیکھ کر رنج و ملال شہؐ مکی مدنی
Bakhsh dega mere isyaan ko qayamat mein Khuda
Dekh kar ranj o malaal e sha Maki Madni
کیوں نہ سب کے لئے منشور ہدایت بنتے
ایسے پاکیزہ خصال شہؐ مکی مدنی
Kyun na sab ke liye manshoor e hidayat bante
Aise pakeeza khisalaat e sha Maki Madni
بس یہی ایک تمنائے دلی ہے مظہرؒ
عمر گزرے بخیال شہؐ مکی مدنی
Bas yahi ek tamanna e dili hai Mazhar
Umr guzaray ba khyaal e sha Maki Madni
Share This Naat
Share with friends and family
راحت جاں ہے خیال شہؐ مکی مدنی
مظہر الدین مظہر