پیکرِ دلربا بن کے آیا ، روحِ ارض و سما بن کے آیا
سب رسولِؐ خدا بن کے آئے، وہ حبیبؐ خدا بن کے آیا
Paikar-e-dilruba ban ke aya, rooh-e-arz o sama ban ke aya
Sab Rasool-e-Khuda ban ke aaye, woh Habeeb-e-Khuda ban ke aya
حضرتِ آمنہ ؓ کا دلارا ، وہ حلیمہؓ کی آنکھوں کا تارا
وہ شکستہ دلوں کا سہارا، بیکسوں کی دعا بن کے آیا
Hazrat-e-Amina ka dulara, woh Haleema ki aankhon ka tara
Woh shikasta dilon ka sahara, bekason ki dua ban ke aya
دستِ قدرت نے ایسا سجایا، حسنِ تخلیق کو رشک آیا
جس کا پایہ کسی نے نہ پایا، وہ خدا کی رضا بن کے آیا
Dast-e-qudrat ne aisa sajaya, husn-e-takhleeq ko rashk aya
Jis ka paya kisi ne na paya, woh Khuda ki raza ban ke aya
تاجداروں نے دی ہے سلامی، بادشاہوں نے کی ہے غلامی
بے مثال اس کا اسم ِ گرامی، مجتبیٰ مصطفیٰ بن کے آیا
Tajdaron ne di hai salami, badshahon ne ki hai ghulami
Be-misaal us ka ism-e-giraami, Mujtaba Mustafa ban ke aya
مسندِ ناز عرش بریں ہے، بوریا جس کا فرش ِ زمیں ہے
در کا دربان روحِ امیں ہے، سرورِؐ انبیاء بن کے آیا
Masnad-e-naaz Arsh bareen hai, boriya jis ka farsh-e-zameen hai
Dar ka darban rooh-e-ameen hai, Sarwar-e-Anbiya ban ke aya
وہ نبیؐ رحمتِ عالمیں ہے، جو بھی ہے ان کے زیر نگیں ہے
ایساغمخوار دیکھا نہیں ہے، جیسا خیرالواریٰ بن کے آیا
Woh Nabi rehmat-e-aalameen hai, jo bhi hai un ke zair-e-nageen hai
Aisa ghamkhaar dekha nahi hai, jaisa Khair-ul-wara ban ke aya
ہے ظہوریؔ بڑی شان ان کی ، مدح کرتا ہے قرآن ان کی
نعت پڑھتا ہے حسان ان کی، جو مرا رہنما بن کے آیا
Hai Zahuri badi shaan un ki, madah karta hai Quran un ki
Naat padhta hai Hassan un ki, jo mera rehnuma ban ke aya
Share This Naat
Share with friends and family
پیکرِ دلربا بن کے آیا ، روحِ ارض و سما بن کے آیا
محمد علی ظہوری