ہُوا حاضر نبیؐ کا جو بھی شیدائی مدینے میں
بہشتی دلکشی اس کو نظر آئی مدینے میں
Hua hazir Nabiؐ ka jo bhi sheedai Madine mein
Beheshti dilkashi us ko nazar aai Madine mein
نشاط و شادمانی کی گھٹا چھائی مدینے میں
نویدِ آمدِ سرور صبا لائی مدینے میں
Nishaat o shadmani ki ghata chhaai Madine mein
Naveed-e aamad-e sarwar saba laai Madine mein
فضا میں نعرۂ امن و امان و آشتی گونجا
رُخِ اہلِ ستم پر مردنی چھائی مدینے میں
Fiza mein nara'e aman o amaan o aashti goonja
Rukh-e ahl-e sitam par mardani chhaai Madine mein
قدم رنجہ ہوئے جس دم سراپا رحمتِ عالم
بہار آئی بہار آئی بہار آئی مدینے میں
Qadam ranjha hue jis dam saraapa rehmat-e aalam
Bahaar aai bahaar aai bahaar aai Madine mein
اِدھر طیبہ کی وادی میں کھلے وحدت کے گل بوٹے
اُدھر الحاد و شر کی فصل مرجھائی مدینے میں
Idhar Taiba ki wadi mein khile wahdat ke gul bote
Udhar ilhaad o shar ki fasl murjhaai Madine mein
مسلسل کفر و شر کی دھوپ سے آخر ملی راحت
حضورؐ آئے تو رحمت کی گھٹا چھائی مدینے میں
Musalsal kufr o shar ki dhoop se akhir mili rahat
Huzoorؐ aaye to rehmat ki ghata chhaai Madine mein
ہوا جب فضلِ رب سرکار کی چشمِ کریمانہ
مری خوش بختیِ ہستی مجھے لائی مدینے میں
Hua jab fazl-e Rab Sarkar ki chashm-e karemana
Meri khush bakhti-e hasti mujhe laai Madine mein
حیات جاودانی کا شرف میں اس کو سمجھوں گا
مجھے بھی موت قسمت سے اگر آئی مدینے میں
Hayat javedani ka sharaf mein is ko samjhoonga
Mujhe bhi maut qismat se agar aai Madine mein
تجلّی معرفت کی چاہنے والو! چلو طیبہ
درِ سرکار پر بٹتی ہے بینائی مدینے میں
Tajalli maarfat ki chahne waalo! chalo Taiba
Dar-e Sarkar par batti hai beenaai Madine mein
جو تھی انصارِ طیبہ میں صفت مہماں نوازی کی
ابھی قائم ہے وہ وصفِ پذیرائی مدینے میں
Jo thi Ansar-e Taiba mein sifat mehman nawazi ki
Abhi qaim hai woh wasf-e pazeerai Madine mein
وسائل کی کمی احسؔن کو کب تک روکتی آخر
تڑپ عشقِ نبیؐ کی کھینچ کر لائی مدینے میں
Wasail ki kami Ahsanؔ ko kab tak rokti akhir
Tadap ishq-e Nabiؐ ki kheench kar laai Madine mein
Share This Naat
Share with friends and family
ہُوا حاضر نبیؐ کا جو بھی شیدائی مدینے میں
احسن اعظمی