جادۂ ہستی کا ہے دستور سیرت آپ کی
ہادیٔ عالم ھدیٰ کا نور سیرت آپ کی
Jaada-e-hasti ka hai dastoor seerat aap ki
Haadi-e-aalam huda ka noor seerat aap ki
مصحفِ لا ریب ہے پُر نور صورت آپ کی
مظہرِ قرآں ہوئی مذکور سیرت آپ کی
Mushaf-e-la raib hai pur noor soorat aap ki
Mazhar-e-quran hui mazkoor seerat aap ki
اب قیامت تک نہ آئے گا نیا ہادی کوئی
ہے ابد تک ایک ہی دستور، سیرت آپ کی
Ab qayamat tak na aaye ga naya haadi koi
Hai abad tak ek hi dastoor, seerat aap ki
دشمنانِ جاں کی خاطر بھی دعا ، جاں بخشیاں
رافت و رحمت سے ہے معمور سیرت آپ کی
Dushmanan-e-jaan ki khatir bhi dua, jaan bakhshiyan
Raft o rehmat se hai maamoor seerat aap ki
فکرِ انسانی کو بھی تابانیاں دیں آپ نے
حکمت و عرفاں کا ہے منشور سیرت آپ کی
Fikr-e-insani ko bhi tabaniyan deen aap ne
Hikmat o irfan ka hai manshoor seerat aap ki
ڈوبتی نبضیں ہوئیں انسانیت کی پھر رواں
جیسے ہی گونجی وہ نادِ صور سیرت آپ کی
Dobti nabzein huein insaniyat ki phir rawan
Jaise hi gonji vo naad-e-soor seerat aap ki
دہر میں محروم طبقوں کی بھی شنوائی ہوئی
عدل کی ابھری صدائے نور سیرت آپ کی
Dah’r mein mehroom tabqon ki bhi shinwayi hui
Adl ki ubhri sada-e-noor seerat aap ki
آپ کی باتوں سے اب تک ہے معطّر کوئے زیست
خامۂ خوشبو سے ہے مسطور سیرت آپ کی
Aap ki baaton se ab tak hai mu’at’tar koe zist
Khaama-e-khushbu se hai mastoor seerat aap ki
اذن کا طالب ہے آقا بندۂ عاجز ظفر
لکھ سکے منظوم اور ماثور سیرت آپ کی
Izn ka taalib hai aaqa banda-e-aajiz Zafar
Likh sake manzoom aur maasoor seerat aap ki
Share This Naat
Share with friends and family
جادۂ ہستی کا ہے دستور سیرت آپ کی
محمد ظفراقبال نوری