مجھ سے مری خطاؤں کی لذّت نہ پوچھیے
کیف و سرور اشکِ ندامت نہ پوچھیے
Mujh se meri khataon ki lazzat na poochhiye
Kaif o suroor ashk e nadamat na poochhiye
میں کر رہا ہوں جراءت تو صیفِ مصطفےٰﷺ
اِس وقت کیا ہے قلب کی حالت نہ پوچھیے
Main kar raha hoon jurat to saif e Mustafaﷺ
Is waqt kya hai qalb ki haalat na poochhiye
کس درجہ خوش نصیب ہیں کس درجہ شاد کام
وابستگانِ دامنِ دولت نہ پوچھیے
Kis darja khush naseeb hain kis darja shaad kaam
Wabasta gan e daman e dolat na poochhiye
مجھ پر کرم ہوئے ہیں خطاؤں کے باوجود
کیا کیا ہوئی ہے مجھ کو ندامت نہ پوچھیے
Mujh par karam hue hain khataon ke bawajood
Kya kya hui hai mujh ko nadamat na poochhiye
ہر ہر قدم پہ یادِ مدینہ ہے ہم سفر
آسودگئ عالمِ غربت ‘ نہ پوچھیے
Har har qadam pe yaad e Madina hai humsafar
Asudagyi e aalam e gurbat, na poochhiye
میں خاک پائے خادمِ خیر الانام ﷺ ہوں
مجھ سے مرے مراتب و نسبت نہ پوچھیے
Main khaak paaye khadim e khayr al anam ﷺ hoon
Mujh se mere maratib o nisbat na poochhiye
جو سر وہاں جُھکا وہ سَر افراز ہوگیا
اُس بارگاہِ قدس کی عظمت‘ نہ پوچھیے
Jo sar wahan jhuka woh sa r afraz hogaya
Us bargah e quds ki azmat, na poochhiye
اقبؔال ساری بزم ہے خوشبو سے گل کدہ
نعتِ نبی ﷺ کا حسنِ کرامت ‘ نہ پوچھیے
Iqba l sari bazm hai khushboo se gul kada
Naat e Nabi ﷺ ka husn e karam at, na poochhiye
Share This Naat
Share with friends and family
مجھ سے مری خطاؤں کی لذّت نہ پوچھیے
پروفیسراقبال عظیم