مہکی ہوئی من کی جو فضا دیکھ رہا ہوں
آتی ہوئی طیبہ کی ہوا دیکھ رہا ہوں
mahki hui man ki jo fiza dekh raha hoon
aati hui taiba ki hawa dekh raha hoon
ہو جائے کبھی مجھ کو شہا اذنِ حضوری
میں تیری طرف جان ِوفا دیکھ رہا ہوں
ho jaye kabhi mujh ko sheha izn-e-hazoori
main teri taraf jan e wafa dekh raha hoon
اللہ کا گھر وا ہوا ، سرکار کا در بھی
ٹلتی یہ کرونا کی وبا دیکھ رہا ہوں
Allah ka ghar wa hua, sarkar ka dar bhi
talti ye corona ki waba dekh raha hoon
سرکارِ دو عالمؐ کے ہے چہرے کا یہ پرتو
جوچرخ پہ تاروں میں ضیا دیکھ رہا ہوں
sarkar-e-do alam ke hai chehre ka ye parto
jo charkh pe taaro mein zia dekh raha hoon
جس بات پہ راضی ہے وہ محبوبِ مکرمؐ
اس بات میں مالک کی رضا دیکھ رہا ہوں
jis baat pe razi hai woh mahboob-e-mukarram
us baat mein malik ki raza dekh raha hoon
سایہ ہو میسر اسے زہراؑ کی رِدا کا
بیٹی کی میں آنکھوں میں حیا دیکھ رہا ہوں
saaya ho mayassar usay Zahra ki rida ka
beti ki main aankhon mein haya dekh raha hoon
الحمد! کہ آیا ہوں میں سرکارؐ کے در پر
خاطی ہوں، پہ تاثیرِ دعا دیکھ رہا ہوں
Alhamd! ke aaya hoon main sarkar ke dar par
khaati hoon, pe taaseer-e-dua dekh raha hoon
اس ملک پہ سرکارؐ کی رحمت کے تصدق
چھاتے ہوئے رحمت کی گھٹا دیکھ رہا ہوں
is malik pe sarkar ki rehmat ke tasaduq
chhaate hue rehmat ki ghata dekh raha hoon
لے جاؤ مجھے چارہ گرو شہرِ نبیؐ میں
میں خاکِ مدینہ میں شفا دیکھ رہا ہوں
le jao mujhe charah garo shehar-e-nabi mein
main khaak-e-Madina mein shifa dekh raha hoon
جھکتا ہے جلیل ان کے اشارے پہ قمر بھی
جھولے میں وہ انگلی کی ادا دیکھ رہا ہوں
jhukta hai jaleel un ke ishare pe qamar bhi
jhoolay mein woh ungli ki ada dekh raha hoon
Share This Naat
Share with friends and family
مہکی ہوئی من کی جو فضا
حافظ عبدالجلیل