جب بھی کبھی آقا کا روضہ نظر آتا ہے
سچ پوچھو تو کعبے کا کعبہ نظر آتا ہے
Jab bhi kabhi aqa ka roza nazar aata hai
Sach poochho to Ka'be ka Ka'ba nazar aata hai
کیا خوب بہانہ ہے عیدِ دل عاشق کا
جب قبر میں آقا کا جلوہ نظر آتا ہے
Kya khoob bahana hai Eid-e-dil aashiq ka
Jab qabr mein aqa ka jalwa nazar aata hai
معراجِ تخیّل کی تکمیل سی ہوتی ہے
جب خواب میں وہ نوری چہرہ نظر آتا ہے
Mairaj-e-takhayul ki takmeel si hoti hai
Jab khwab mein wo noori chehra nazar aata hai
خورشیدِ رسالت کی پڑ جائے تجلی جب
تب رشکِ قمر ہر ہر ذرّہ نظر آتا ہے
Khursheed-e-risalati ki parr jaye tajalli jab
Tab rashk-e-qamar har har zar-rha nazar aata hai
وہ بات جسے کہیے بے خوف یدِ قدرت
اس ہاتھ میں کوثر کا پیالہ نظر آتا ہے
Wo baat jise kahiye be khof yad-e-qudrat
Us haath mein kauthar ka piyala nazar aata hai
اجمیر کی مَے شامل مارہرہ کی مستی میں
ہاں پیر ہمیں اپنا خواجہ نظر آتا ہے
Ajmer ki mai shamil Mar-hara ki masti mein
Haan peer humen apna khawaja nazar aata hai
یہ آلِ محمد کے قدموں کی ہی برکت ہے
مارہرہ مدینے کا سایہ نظر آتا ہے
Ye Aal-e-Muhammad ke qadmom ki hi barkat hai
Mar-hara Madine ka saya nazar aata hai
نظمی کے قلم پر ہے فیضانِ رضا غالب
جو شعر بھی کہتا ہے تازہ نظر آتا ہے
Nazmi ke qalam par hai faizaan-e-Rida ghalib
Jo sher bhi kehta hai taza nazar aata hai
Share This Naat
Share with friends and family
جب بھی کبھی آقا کا روضہ نظر آتا ہے
سید آل رسول حسنین میاں برکاتی نظمی