چادر سی جو نور کی تنی ہے
ماہِ اخضر کی چاندنی ہے
Chadar si jo noor ki tani hai
Mah-e-akhdar ki chaandni hai
میں بابِ کرم تک آگیا ہوں
بگڑی ہوئی بات یوں بنی ہے
Main bab-e-karam tak aagaya hoon
Bigri hui baat yun bani hai
دامن ہے تہی تو غم نہیں ہے
الطاف سے ان کے دل غنی ہے
Daman hai tahee to gham nahi hai
Altaf se un ke dil ghani hai
خاموش کھڑا ہوں ان کے در پر
کب میری کہانی گفتنی ہے
Khamosh khara hoon un ke dar par
Kab meri kahani guftani hai
پرساں نہیں کوئی بھی جہاں میں
آقاؐ مرا حال دیدنی ہے
Parsan nahi koi bhi jahan mein
Aqa mera haal deedni hai
رکھ دیجیے اس پہ دستِ شفقت
دل میں مرے کرب کی انی ہے
Rakh dijiye is pe dast-e-shafqat
Dil mein mere karb ki ani hai
اک تابشِ التفات ادھر بھی
گھر میں مرے تیرگی گھنی ہے
Ek tabish-e-iltifaat idhar bhi
Ghar mein mere teeragi ghani hai
درکار ہے آپؐ کا سہارا
سر پنجہء زیست آہنی ہے
Darkaar hai aap ka sahara
Sar panja-e-zeest aahni hai
رحمت کی پناہ مجھ کو دیجیے
ہر سمت سے تیرافگنی ہے
Rehmat ki panah mujh ko dijiye
Har simt se tiraafgani hai
محتاجِ نگاہِ خاص آقاؐ
تائب کی دریدہ دامنی ہے
Mohtaj-e-nigah-e-khaas aqa
Taib ki dareeda damani hai
Share This Naat
Share with friends and family
چادر سی جو نور کی تنی ہے
حفیظ تائب