نگاہِ لُطف کے اُمیدوار ہم بھی ہیں
لئے ہوئے تو دِلِ بیقرار ہم بھی ہیں
Nigah-e-lutf ke umeedwar hum bhi hain
Liye hue to dil-e-beqarar hum bhi hain
ہمارے دستِ تمنّا کی لاج بھی رکھنا
ترے فقیروں میں اے شہر یار ہم بھی ہیں
Humare dast-e-tamna ki laaj bhi rakhna
Tere fakeeron mein ae shehryar hum bhi hain
کھِلا دو غنچہء دل صَدقہ باددامن کا
اُمیدوارِ نسیمِ بہَار ہم بھی ہیں
Khila do ghancha-e-dil sadqa baad daman ka
Umeedwar-e-naseem-e-bahar hum bhi hain
تمہاری ایک نگاہِ کرم میں سب کچھ ہے
پڑے ہوئے تو سرِ رَہ گذار ہم بھی ہیں
Tumhari ek nigah-e-karam mein sab kuch hai
Pare hue to sar-e-rah guzar hum bhi hain
جو سَر پہ رکھنے کو مل جائے نعلِ پاک حضور
تو پھر کہیں گے کہ ہاں تاجدار ہم بھی ہیں
Jo sar par rakhne ko mil jaye naal-e-paak huzoor
To phir kahenge ke haan tajdar hum bhi hain
یہ کس شہنشہِ والا کا صدقہ بٹتا ہے
کہ خسروؤں میں پڑی ہے پکار ہم بھی ہیں
Ye kis shehenshah-e-wala ka sadqa bat'ta hai
Ke khusron mein pari hai pukar hum bhi hain
حسنؔ ہے جن کی سخاوت کی دھو م عالم میں
اِنھیں کے تم بھی ہو ‘ اِک ریزہ خوار ہم بھی ہیں
Hassan hain jin ki sakhaawat ki dhoom alam mein
Inhi ke tum bhi ho, ek rezah khwar hum bhi hain
Share This Naat
Share with friends and family
نگاہِ لطف کے اُمیدوار ہم بھی ہیں
حسن رضا خان