عرشِ اعظم پہ گئے شاہِ زمنؐ آج کی رات
قابلِ دید ہے فِطرت کی پھبن آج کی رات
Arsh-e aazam pe gae Shah-e zaman ﷺ aaj ki raat
Qabil-e-deed hai fitrat ki phaban aaj ki raat
لے کے جبریلِ امیں حُسن کا پیغام آئے
دیکھ کر عِشق کا بے ساختہ پن آج کی رات
Le ke Jibreel-e ameen husn ka paighaam aaye
Dekh kar ishq ka be saakhta pan aaj ki raat
آج برسے گا دو عالم پہ کَرم کا بادل
دُور ہو جائیں گے امّت کے محَن آج کی رات
Aaj barse ga do aalam pe karam ka baadal
Duur ho jaen ge ummat ke mahn aaj ki raat
اب وہ رستہ نہیں گردش نہیں رفتار نہیں
اک نئے دَور میں ہے چرخِ کُہن آج کی رات
Ab woh rasta nahi gardish nahi raftaar nahi
Ek naye daur mein hai charkh-e kuhan aaj ki raat
کوئی دیوار تری راہ میں حائِل نہ ہُوئی
کوئی منزل نظر آئی نہ کٹھن آج کی رات
Koi deewaar teri raah mein haail na hui
Koi manzil nazar aai na kathin aaj ki raat
دوستو تذکرۂ زلفِ بہاراں نہ کرو
آج کی رات ہے موضوعِ سخن آج کی رات
Dosto tazkira-e zulf-e baharaan na karo
Aaj ki raat hai mauzu-e sakhan aaj ki raat
سَیر کیا کَون سی معراج کہاں کی رفعت
ہے رواں سُوئے وطن جانِ وطن آج کی رات
Sair kiya kaun si meraaj kahaan ki rufat
Hai rawaan suo-e watan jaan-e watan aaj ki raat
یہ بھی ہے صاحبِ معراج کی مدحِت کا صلہ
مجھ کو حاصِل ہوئی معراجِ سخن آج کی رات
Yeh bhi hai sahib-e meraaj ki madah ka sila
Mujh ko haasil hui meraaj-e sakhan aaj ki raat
چَمَن دَہر کا پتّا نہ ہِلے گا اعظؔم
جب تک آجائے نہ وہ جانِ چَمن آج کی رات
Chaman dahr ka patta na hile ga aazm
Jab tak aajae na woh jaan-e chaman aaj ki raat
Share This Naat
Share with friends and family
عرشِ اعظم پہ گئے شاہِ زمنؐ آج کی رات
محمد اعظم چشتی