فلک سے ہے ارفع زمینِ مدینہ
تو کیا ہوگی سوچو جبینِ مدینہ
Falak se hai arfa zameen-e-Madina
To kya hogi socho jabeen-e-Madina
بدن میرا خالی جہاں بھی رہا ہو
رہا دل ہمیشہ مکینِ مدینہ
Badan mera khaali jahan bhi raha ho
Raha dil hamesha makeen-e-Madina
قدم چومتا ہوں عقیدت سے ان کے
پلٹتے ہیں جب عازمینِ مدینہ
Qadam choomta hoon aqeedat se un ke
Paltay hain jab azmeen-e-Madina
تڑپنے لگیں خواہشیں مثلِ بسمل
رکا قافلہ جب قرینِ مدینہ
Tadapne lagein khwahishein misl-e-bismil
Ruka qafila jab qareen-e-Madina
کسی غیر کا مجھ پہ احسان کیوں ہو
رہا ہوں، رہوں گا رہینِ مدینہ
Kisi ghair ka mujh pe ehsaan kyun ho
Raha hoon, rahoon ga raheen-e-Madina
کوئی دل لبھائے یہ ممکن نہیں ہے
بسے ہیں نظر میں حسینِ مدینہ
Koi dil lubhaye ye mumkin nahi hai
Base hain nazar mein haseen-e-Madina
بڑے خوش مقدر ہیں اشفاق احمد
وہ جاروب کش خادمینِ مدینہ
Baday khush muqaddar hain Ashfaq Ahmed
Woh jarob kash khadimeen-e-Madina
Share This Naat
Share with friends and family
فلک سے ہے ارفع زمینِ مدینہ
اشفاق احمد غوری