نبی سارے ای شاناں والے نے محبوب دی مثل ناں کوئی اے
حد ہر اک ناز تے خوبی دی محبوب میرے تے ہوئی اے
Nabi sare ae shana wale ne mehboob di misl naa koi ae
Had har ik naz te khoobi di mehboob mere te hoi ae
اُس دل دا شان نرالا اے ، جس دِل وچ کملی والا اے
اُس اُکھ دا چانن وکھرا اے ، جیہڑی یاد اوہدی وچ روئی اے
Us dil da shaan nirala ae, jis dil vich kamli wala ae
Us okh da chanan vakhra ae, jehri yaad ohdi vich royi ae
جد تک ناں بلال اذان پڑھی ، دن چڑھن ناں دتا سوہنے نے
میرے آقا وانگ غلاماں دی ، دسو کس کرنی دل جوئی اے
Jad tak naa Bilal azan padhi, din charhan naa ditta sohne ne
Mere aaqa wangh ghulaman di, daso kis karni dil joi ae
جیہڑا منگتا اے کملی والے دا ، اوہدی شاہی اے سلطاناں تے
جیہڑا منکر اے کملی والے دا ، اوہنوں کِتے ناں ملنی ڈھوئی اے
Jehra mangta ae kamli wale da, ohdi shahi ae sultanan te
Jehra munkar ae kamli wale da, ohno kite naa milni dhoyi ae
ایہہ ہار نے سب صلواتاں دے ، ایہہ گجرے ہیں دُروداں دے
چُن موتی عشق محمد دے ، جو صائم لڑی پروئی اے
Eh haar ne sab salawatan de, eh gajre hain duroodan de
Chun moti ishq Muhammad de, jo Saima lari proi ae
Share This Naat
Share with friends and family
نبی سارے ای شاناں والے نے محبوب دی مثل ناں کوئی اے
علامہ صائم چشتی