آمِنہ عطاریہ حج کو چلے اُمّید ہے
گُنبدِ خَضرا کی دید اس کی بِلا شک عید ہے
Amna Attariya hajj ko chale umeed hai
Gunbad-e-Khazra ki deed is ki bila shak eid hai
مرحبا تم کو مبارَک ہو مدینے کاسفر
فَضلِ رب سے تم پہ نازِل رَحمتیں ہوں ہر ڈَگر
Marhaba tum ko mubarak ho Madine ka safar
Fazl-e-Rab se tum pe nazil rehmatain hon har dagar
یاخُدا! آسان ہو اِس کیلئے حج کا سفر
ذَوق بڑھتا ہی رہے اِس کا خدائے بحروبر
Ya Khuda! Aasan ho is ke liye hajj ka safar
Zauq barhta hi rahe is ka Khuda-e-Bahr o Bar
رونے والی آنکھ دے اور چاک سینہ کر عطا
یارب! اس کو الفتِ شاہِ مدینہ کر عطا
Rone wali aankh de aur chaak seena kar ata
Yarab! Is ko ulfat-e-Shah-e-Madina kar ata
ذرّے ذرّے کا ادب اللہ اِس کو ہو نصیب
از طفیلِ سیِّدی احمدرضا ربِّ مُجیب!
Zarre zarre ka adab Allah is ko ho naseeb
Az tafael-e-Sayyidi Ahmad Raza Rab-e-Mujeeb!
امتِحاں درپیش ہو راہِ مدینہ میں اگر
صَبر کر تُو صَبر کر ہاں صَبر کر بس صَبر کر
Imtihan darpesh ho rah-e-Madina mein agar
Sabr kar tu sabr kar haan sabr kar bas sabr kar
کوئی دُھتکارے یا جھاڑے بلکہ مارے صَبر کر
مت جھگڑ ، مت بُڑبُڑا ، پا اَجْر رب سے صبر کر
Koi dhutakare ya jhaare balkay mare sabr kar
Mat jhagar, mat burbura, pa ajr Rab se sabr kar
راہِ جاناں کا ہراِک کانٹا بھی گویا پھول ہے
جوکوئی شِکوہ کرے اُس کی یقینا بُھول ہے
Rah-e-Jaanan ka har aik kaanta bhi goya phool hai
Jo koi shikweh kare us ki yaqeenan bhool hai
تم زَباں کا آنکھ کا ’’قُفلِ مدینہ‘‘ لو لگا
ورنہ بڑھ سکتا ہے عِصیاں کا وہاں بھی سِلسلہ
Tum zubaan ka aankh ka “Qufl-e-Madina” lo laga
Warna barh sakta hai isyaan ka wahan bhi silsila
گفتگو صادِر نہ کچھ بے کار ہو اِحرام میں
لب پہ بس لبّیک کی تکرار ہو اِحرام میں
Guftagu sadar na kuch beykaar ho ehraam mein
Lab pe bas Labbaik ki takraar ho ehraam mein
جب کرے تُو خانۂ کعبہ کا رو رو کر طواف
یہ دُعا کرنا خُدا میرے گُنہ کردے معاف
Jab kare tu Khanah-e-Kaaba ka ro ro ke tawaaf
Yeh dua karna Khuda mere gunah karde maaf
تیرا حجّن! جس گھڑی ہو داخِلہ عَرفات میں
کرنا نادِم ہوکے تُو آہ وبُکا عَرفات میں
Tera Hajjan! Jab ghari ho dakhila Arafat mein
Karna nadim hoke tu aah o buka Arafat mein
حالتِ اِحرام میں یادِ کَفَن ہو قَبْر ہو
یاد کر عَرفات میں تُو حشر کے میدان کو
Haalat-e-ihraam mein yaad-e-kafan ho qabr ho
Yaad kar Arafat mein tu hashr ke maidan ko
نو کو جب عَرفات میں حاجی اِکٹھّے ہوں سبھی
بھول مت جانا دعاؤں میں مجھے تُو اُس گھڑی
No ko jab Arafat mein haji ikathey hon sabhi
Bhool mat jana duaon mein mujhe tu us ghari
جس گھڑی کرنے لگے قُرباں مِنٰی میں جانور
تُو تَصوُّر ہی میں اپنے نَفْس کو بھی ذَبْح کر
Jis ghari karne lage qurban Mina mein janwar
Tu tasawwur hi mein apne nafs ko bhi zabah kar
حاضِری ہو جب مدینے میں تمہاری حَجَّنو!
عشقِ شہ میں خوب کرنا آہ و زاری حَجَّنو!
Hazri ho jab Madine mein tumhari Hajjano!
Ishq-e-Shah mein khoob karna aah o zari Hajjano!
لے کے حجّن! بارگاہِ مصطفٰے میں میرا نام
دَست بَستہ عرض کرنا ان سے رو رو کر سلام
Le ke Hajjan! Bargah-e-Mustafa mein mera naam
Dast basta arz karna un se ro ro kar salaam
رو کے کرنا میرے ایماں کی حفاظت کی دُعا
دے شہادت کاشَرَف مجھ کو مدینے میں خدا
Ro ke karna mere imaan ki hifazat ki dua
De shahadat ka sharaf mujh ko Madine mein Khuda
اِس کا حج یارب! نبی کا واسِطہ کر لے قَبول
دوجہاں میں اِس پہ برسا یاخُدا رَحمت کے پھول
Is ka hajj Yarab! Nabi ka wastah kar le qubool
Dojahan mein is pe barsa ya Khuda rehmat ke phool
اپنے مُنہ سے خود کو حجّن تُو کبھی کہنا نہیں
بے ضرورت اپنی نیکی کا بیاں اچّھا نہیں
Apne munh se khud ko Hajjan tu kabhi kehna nahi
Be zorurat apni neki ka bayaan achha nahi
ہر برس حج کا شَرَف پاؤ مدینے جاؤ تم
اور بقیعِ پاک میں آخِر میں مَدْفَن پاؤ تم
Har baras hajj ka sharaf pao Madine jao tum
Aur Baqi-e-Pak mein aakhir mein madfan pao tum
کرنا تم عطارؔ کے حق میں دعائے مغفِرت
اِس جہاں میں عافِیت ہو اُس جہاں میں عافِیت
Karna tum Attar ke haq mein dua-e-magfirat
Is jahan mein aafiyat ho us jahan mein aafiyat
Share This Naat
Share with friends and family
آمِنہ عطاریہ حج کو چلے اُمّید ہے
الیاس عطار قادری