مدینے وچ نبی سوہنے دا گھر اے
مدینہ سب جہاں توں مقتدر اے
Madine vich Nabi sohnde da ghar ae
Madina sab jahan ton muqtadir ae
کی پُچھیں گل مدینے دے سخی دی
مدینے دا گدا وی معتبر اے
Ki puchhein gal madine de sakhi di
Madine da gada wi mu'tabar ae
مدینے وچ جہنے جاکے وچھائی
اہدی جھولی گئی رحمت تھیں بھر اے
Madine vich jehne jaake vichhai
Ehdi jholi gayi rehmat thi bhar ae
جلال و رعب کی اوتھوں دا پُچھیں
مدینے وچ ناں اُٹھ سکدی نظر اے
Jalal o ra'ab ki othon da puchhein
Madine vich naan uth sakdi nazar ae
مدینے وچ ہے در سوہنے نبی دا
تے ایہو در مرے اللہ دا در اے
Madine vich hai dar sohnde Nabi da
Te eho dar mere Allah da dar ae
میرے لیکھاں چ ہونا کہ خدایا
مدینے پاک دا نوری سفر اے
Mere lekhhan ch hona ke Khudaya
Madine pak da noori safar ae
مدینہ نُور دا مرکز ہے صائم
مدینے وچ نبی خُود جلوہ گر اے
Madina noor da markaz hai Sa'im
Madine vich Nabi khud jalwa gar ae
Share This Naat
Share with friends and family
مدینے وچ نبی سوہنے دا گھر اے
علامہ صائم چشتی