نبیؐ کے پائے اقدس سے ہے مجھ کو رابطہ رکھنا
فرشتو سنگ اَسود تک لحد میں راستہ رکھنا
Nabiؐ ke paaye aqdas se hai mujh ko raabta rakhna
Farishhto sang aswad tak lahd mein raasta rakhna
شہیدانِ محبت کے لئے یہ رزق کافی ہے
درودوں کا سلاموں کا زباں پر ذائقہ رکھنا
Shaheeda'n-e mohabbat ke liye yeh rizq kaafi hai
Duroodoon ka salaamon ka zabaan par zayqa rakhna
مکاں میں رہ کے سیر لامکاں کرنے کی خواہش ہے
تو در ہی در کھُلیں گے ایک در سے واسطہ رکھنا
Makaan mein reh ke sair la-makaan karne ki khwahish hai
To dar hi dar khulain ge aik dar se waasta rakhna
لِٹا کر قبر میں جب خاک مجھ پر ڈال دی جائے
تو کتبے کی جگہ ٹوٹا ہوا اک آئنہ رکھنا
Lita kar qabr mein jab khaak mujh par daal di jaye
To kutbe ki jagah toota hua ek aay'naa rakhna
علیحدہ ہو کے بھی ملتی رہے گی زندگی تم سے
مظفر موت کا مرنے سے پہلے تجربہ رکھنا
Alehda ho ke bhi milti rahe gi zindagi tum se
Muzaffar maut ka marne se pehle tajurba rakhna
Share This Naat
Share with friends and family
نبیؐ کے پائے اقدس سے ہے
مظفر وارثی