جامع الحسنات ہیں وہ ارفع الدرجات وہ
اس جہاں کے اُس جہاں کے نوشہ وہ بارات وہ
Jaami'ul Hasanaat hain woh Arfa'ud Darajaat woh
Is Jahaan ke us Jahaan ke Nausha woh Baraat woh
حسنِ توریت و زبور ، انجیل و قرآں کا جمال
شجرہ حرفِ بخاری طرّہ ء مشکوٰۃ وہ
Husn-e Taurait o Zaboor, Injeel o Quraan ka Jamaal
Shajra Harf-e Bukhari Tarra-e Mashkwat woh
ہر عبادت ہے ادھوری انکی شرکت کے بغیر
ہر دعا کے آگے پیچھے ، جانِ التّحیات وہ
Har Ibaadat hai Adhoori Unki Shirkat ke Baghair
Har Dua ke Aagay Peechhay, Jaan-e At-Tahiyaat woh
مورث زہد و تصوف موجد عشق و جہاد
غار میں مصروفِ گریہ قائدِ غزوات وہ
Moris Zohd o Tasawwuf Mojid Ishq o Jihaad
Ghaar mein Masroof-e Gariya Qaed-e Ghazawaat woh
میرا ایماں ہے بتا دیتا ہے خود ان کو خدا
رکھتے ہیں ہر علم نا موجود و موجودات وہ
Mera Emaan hai Bata Deta hai Khud Unko Khuda
Raktay hain Har Ilm Na Mojood o Mojoodaat woh
شکرِ رب کرتے ہوئے انکی زباں تھکتی نہیں
ہاتھ کا لقمہ بھی کر دیتے ہیں جب خیرات وہ
Shukr-e Rab Karty Huay Unki Zabaan Thakti Nahin
Haath ka Luqma bhi Kar Detay hain Jab Khairat woh
کیا ہے فرقِ بندہ و مولا مظفر کیا خبر
آنکھ وہ ہیں حق تعالیٰ کی زباں وہ ہاتھ وہ
Kya hai Farq-e Banda o Moula Muzaffar kya Khabar
Aankh woh hain Haq Ta'ala ki Zabaan woh Haath woh
وہ جاری و ساری مسلسل ہیں وہ
کسی رخ سے دیکھو مکمّل ہیں وہ
Woh Jaari o Saari Musalsal hain woh
Kisi Rukh se Dekho Mukammal hain woh
زمیں آسماںٗ آپ کے معتقد
وہ ہر راز کے شارحِ منفرد
Zameen Asmaan aap ke Mutaqid
Woh Har Raaz ke Sharh-e Munfarid
وہ شاہد وہ منذر بشیر و نذیر
وہ ہادیِ دارین خیرِ کثیر
Woh Shaahid woh Munzir Basheer o Nazeer
Woh Haadi-e Daarain Khair-e Kaseer
غلط بندھنوں سے دلائیں نجات
اکیلے بھی وہ رونقِ کائنات
Ghalat Bandhanon se Dalain Nijaat
Akele bhi woh Ronaq-e Kaainaat
اتالیق قرآن و حکمت ہیں وہ
رفیقِ بلندی و رفعت ہیں وہ
A Taleeq Quraan o Hikmat hain woh
Rafiq-e Bulandi o Raf'at hain woh
و ہ سالار کونین عالم پناہ
وہی ہیں ہمارے تمہارے گواہ
Wa Salaaar-e Konaen Aalam Panah
Wohi hain Hamare Tumhare Gawah
وہ ہر زخم خفیہ کے ہیں چارہ گر
وہ بینائی افروز نظّارہ گر
Woh Har Zakhm Khafiya ke hain Chara Gar
Woh Beenaai Afroz Nazara Gar
میر حرم خسروِ بحر و بر
وہ نورٌ علیٰ نور خیر البشر
Meer-e Haram Khasro-e Bahr o Bar
Woh Noor-un Ala Noor Khair-ul Bashar
کریں جس کی سانسوں کا وہ تذکیہ
بدل ڈالیں اندر کا جغرافیہ
Karein Jis ki Saansein ka woh Tazkia
Badal Dalain Andar ka Geographia
وہ اولاد سے باپ ماں سے عزیز
وہ ہر اہل ایماں کو جاں سے عزیز
Woh Aulaad se Baap Maa se Azeez
Woh Har Ahl-e Imaan ko Jaan se Azeez
مہ و کہکشاں کے مسافر حضورؐ
پس غیب و غائب ہیں حاضر حضورؐ
Mah o Kahkashaan ke Musaafir Huzoor
Pas Ghaib o Ghaib hain Haazir Huzoor
قلم ہیں وہی لوح و کاغذ وہی
ہر اک فلسفے کا ہیں ماخذ وہی
Qalam hain Wohi Loah o Kaghaz Wohi
Har ek Falsafay ka hain Maakhaz Wohi
صدا معجزہ ہے جھلک معجزہ
وہ ہیں سر سے پیروں تلک معجزہ
Sada Mo'jiza hai Jhalak Mo'jiza
Woh hain Sar se Pairon Talak Mo'jiza
ثنا ہے ادھوری جہاں تک لکھوں
میں اُن کو کہاں سے کہاں تک لکھوں
Sana hai Adhoori Jahaan Tak Likhoon
Main Un Ko Kahaan se Kahaan Tak Likhoon
Share This Naat
Share with friends and family
جامع الحسنات ہیں وہ
مظفر وارثی