ہر ویلے منگاں میں دعاواں کملی والیا
تیرے سوہنے روضے تے میں آواں کملی والیا
Har wele mangaan main duawan kamli valiya
Tere sohne roze te main aawan kamli valiya
آ کے روضے پاک اتے قدماں چہ بیٹھ کے
دل دیا گلاں میں سناواں کملی والیا
Aa ke roze pak ate qadmayan ch beth ke
Dil diya galaa main sanaawan kamli valiya
رحمتاں حضور دیاں گھر میرے آؤندیاں
ایس لئی میں محفلاں سجاواں کملی والیا
Rehmatan Huzur diyan ghar mere aundiyaan
Is layi main mehfilaan sajawan kamli valiya
تیرے ناں نے بخشیاں نے لکھاں مینوں عزتاں
تیرے ناں توں واری واری جاواں کملی والیا
Tere naan ne bakshiyan ne lakhyaan mainu izataan
Tere naan ton vaari vaari jaawan kamli valiya
جدوں تیک زندگی اے میری ایہہ تمنا ہیں
نعتاں سدا تیریاں سناواں کملی والیا
Jadon tak zindagi ae meri eh tamanna hai
Naataan sada teriyan sanaawan kamli valiya
مشکلاں مصیبتاں چوں کڈھ مینوں آن کے
پایا اے بلاواں نے ولاواں کملی والیا
Mushkalaan museebataan chon kadh mainu aa ke
Paya ae balawaan ne walawan kamli valiya
واسطہ میں پاواں تینوں تیریاں عطاواں دا
معاف کریں میریاں خطاواں کملی والیا
Vasata main paawan tenu teriyan ataawaan da
Maaf karen meriyan khataawaan kamli valiya
کدی اک سکھ دا وی ساہ مینوں آوے نہ
جے نہ ہوں تیریاں عطاواں کملی والیا
Kadi ik sukh da vi saah mainu aave na
Je na hon teriyan ataawaan kamli valiya
میریاں نصیاں والا باغ مہک اٹھ دا
اون جدوں طیبہ چوں ہواواں کملی والیا
Meriyan nasyan wala bagh mehak utth da
On jadon Taiba chon hawaan kamli valiya
چھڈ دے نئیں روگ مینوں بڑا چر ہو گیا
ہن تے مینوں بخش دے شفاواں کملی والیا
Chhad de nein rog mainu bara char ho gaya
Hun te mainu baksh de shifaawaan kamli valiya
کرم کماویں صدقہ حسن، حسین دا
گل میرے پئیاں نے بلاواں کملی والیا
Karam kamawen sadqa Hasan, Husain da
Gal mere peiyan ne balawaan kamli valiya
شان تیری کرنی نیازی نے بیان کیہ
رب کرے تیریاں ثناواں کملی والیا
Shaan teri karni Niazi ne bayan kea
Rab kare teriyan sanaawaan kamli valiya
Share This Naat
Share with friends and family
ہر ویلے منگاں میں دعاواں کملی والیا
عبدالستار نیازی