بس یہی دو ہیں میرے سخن کے اصُول
حمد ذِکرِ خدا ، نعت ذِکرِ رسُولؐ
Bas yahi do hain mere sakhan ke usool
Hamd zikr-e-Khuda, Naat zikr-e-Rasoolﷺ
اُنؐ کے حُسنِ کرم کا لگاؤ حساب
جن سے سیکھے ہیں سب نے کرم کے اصُول
Unﷺ ke husn-e-karam ka lagao hisaab
Jin se seekhe hain sab ne karam ke usool
کوئی مانے نہ مانے یہ اُس کا نصیب
رحمتِ ہر دو عالم ہیں سب کے رسُولؐ
Koi maane na maane ye us ka naseeb
Rehmat-e-har do alam hain sab ke Rasoolﷺ
اُمتّوں کے لئے حجّتِ آخری
عرش سے فرش پر اُنؐ کی شانِ نزُول
Ummaton ke liye hujjat-e-aakhri
Arsh se farsh par unﷺ ki shan-e-nuzul
کیسے مُختار، کیسے عبادت گزار
نا خدائے دو عالم خدا کے رسُولؐ
Kaise mukhtar, kaise ibaadat guzaar
Na Khuda-e-do-alam Khuda ke Rasoolﷺ
میری کوتاہیاں گمرہی کی دلیل
وسعتوں کا امیں اُنؐ کا حُسنِ قبُول
Meri kotahiyaan gumrahi ki daleel
Wusatun ka ameen unﷺ ka husn-e-qubool
ہم کو اپنی خبر ہے نہ اُنؐ کا خیال
وہؐ ہماری خطاؤں کی خاطر ملُول
Hum ko apni khabar hai na unﷺ ka khayaal
Wohﷺ humari khataon ki khaatir malool
Share This Naat
Share with friends and family
بس یہی دو ہیں میرے سخن کے اصُول
حنیف اسعدی