مژدہ باد اے عاصیو! شافِع شہِ اَبرار ہے
تَہْنِیت اے مجرمو! ذاتِ خدا غَفَّار ہے
Mujda baad aye aasio! Shafi’e Shah-e Abrar hai
Tehniyat aye mujhrimo! Zaat-e Khuda Ghaffar hai
عرش سا فرشِ زمیں ہے فرشِ پا عرشِ بریں
کیا نرالی طرز کی نامِ خُدا رَفتار ہے
Arsh sa farsh-e zameen hai farsh-e paa arsh-e bareen
Kya niraali tarz ki naam-e Khuda raftaar hai
چاند شق ہو پَیڑ بولیں جانور سجدے کریں
بَارَ کَ اللہ مرجع عالم یہی سرکار ہے
Chaand shaq ho paid bolen jaanwar sajde karein
Baarak Allah marja-e aalam yahi Sarkar hai
جن کو سُوئے آسماں پھیلا کے جل تھل بھر دئیے
صَدقہ اُن ہاتھوں کا پیارے ہم کو بھی درکار ہے
Jin ko sooye aasman phaila ke jal thal bhar diye
Sadqa un haathon ka pyare hum ko bhi darkar hai
لَب زُلالِ چَشمَہ ء کن میں گندھے وقت خمیر
مردے زندہ کرنا اے جاں تم کو کیا دُشوار ہے
Lab zulaal-e chashma-e Kun mein gandhe waqt-e khameer
Murde zinda karna aye jaan tum ko kya dushwaar hai
گورے گورے پاؤں چمکا دو خدا کے واسطے
نُور کا تڑکا ہو پیارے گور کی شب تار ہے
Gore gore paaon chamka do Khuda ke wastay
Noor ka tarkaa ho pyare gour ki shab-e taar hai
تیرے ہی دامن پہ ہر عاصِی کی پڑتی ہے نظر
ایک جانِ بے خطا پر دو جہاں کا بار ہے
Tere hi daaman pe har aasi ki parti hai nazar
Ek jaan-e be khata par do jahan ka baar hai
جوشِ طُوفاں بحرِ بے پایاں ہوا نا سازگار
نُوح کے مولیٰ کرم کر لے تو بیڑا پار ہے
Josh-e toofaan bahr-e be payan hua naa saazgar
Nooh ke Maula karam kar le to beRa paar hai
رَحْمَۃُ لِّلْعٰلَمِیں تیری دُہائی دَب گیا
اب تو مولیٰ بے طرح سر پر گنہ کا بار ہے
Rahmat-ul-lil Aalameen teri duhai dab gaya
Ab to Maula be-tarah sar par guneh ka baar hai
حیرتیں ہیں آئینہ دارِ وفورِ وَصفِ گُل
اُن کے بلبل کی خموشی بھی لبِ اِظہار ہے
Hairatein hain aaeena daar-e ufoor-e wasf-e gul
Un ke bulbul ki khamoshi bhi lab-e izhaar hai
گُونج گُونج اُٹھے ہیں نغماتِ رضاؔ سے بوستاں
کیوں نہ ہو کس پھول کی مدحت میں وَا مِنقار ہے
Goonj goonj uthay hain naghmaat-e Raza se bustaan
Kyun na ho kis phool ki mad’hat mein wa minqaar hai
Share This Naat
Share with friends and family
مژدہ باد اے عاصیو! شافِع شہِ اَبرار ہے
احمد رضا خان بریلوی