زندگی کا مسئلہ ہے واپسی
جاں کَنی کا مرحلہ ہے واپسی
Zindagi ka masla hai wapsi
Jaan kani ka marhala hai wapsi
در نبیؐ کا چھوڑنا ممکن نہیں
کربلا کا سانحہ ہے واپسی
Dar e Nabiؐ ka chhodna mumkin nahin
Karbala ka saniha hai wapsi
ساتھ اپنے کیوں نہ لائی تُو قضا
اک یہی تجھ سے گلہ ہے ، واپسی!
Saath apne kyun na laayi tu qaza
Ek yehi tujh se gila hai, wapsi!
نے زمیں نے آسماں پر میں رہا
چار سو میرے خلا ہے واپسی
Na zameen na aasman par main raha
Chaar so mere khala hai wapsi
جس کو کہتے ہیں خطِ لامنتہا
ایسا ہی اک سلسلہ ہے واپسی
Jis ko kehte hain khat e la-muntaha
Aisa hi ek silsila hai wapsi
دور مجھ کو ان کے در سے کر دیا
کیا بھلا تجھ کو ملا ہے واپسی!
Door mujh ko un ke dar se kar diya
Kya bhala tujh ko mila hai wapsi!
کوئی طاہرؔ مجھ سے پوچھے تو کہوں
اک قیامت اک بلا ہے واپسی
Koi Tahirؔ mujh se poche to kahun
Ek qiyamat ek bala hai wapsi
Share This Naat
Share with friends and family
زندگی کا مسئلہ ہے واپسی
پروفیسر محمد طاہر صدیقی