دل فدا جاں نثار کرتے ہیں
جو شہِ دیں سے پیار کرتے ہیں
Dil fida jaan nisaar karte hain
Jo Sheh-e-Deen se pyaar karte hain
خاکروبی درِ رسالت کی
وقت کے تاجدار کرتے ہیں
Khaakrobi dar-e-Risaalat ki
Waqt ke taajdaar karte hain
جس طرف سے گزرتے ہیں آقاؐ
دشت کو لالہ زار کرتے ہیں
Jis taraf se guzarte hain Aaqaؐ
Dasht ko laala zaar karte hain
حسنِ گلہائے باغِ ایمن کو
ہیچ طیبہ کے خار کرتے ہیں
Hasn-e-gulhaaye bagh-e-aiman ko
Hech tayyiba ke khaar karte hain
عظمتِ قولِ مصطفیٰؐ دیکھو
غیر بھی اعتبار کرتے ہیں
Azmat-e-qoul-e-Mustafaؐ dekho
Ghair bhi aitbaar karte hain
منھ کی کھاتے ہیں منکرینِ زکوٰۃ
جب ابو بکر وار کرتے ہیں
Muhn ki khatay hain munkareen-e-Zakaat
Jab Abu Bakr waar karte hain
حق کے اظہار کی ہر اِک منزل
ابنِ خطاب پار کرتے ہیں
Haq ke izhaar ki har ik manzil
Ibn-e-Khattab paar karte hain
دین پر مال و زر لُٹا کے غنی
اس کا اونچا وقار کرتے ہیں
Deen par maal o zar lutaa ke Ghani
Is ka ooncha waqaar karte hain
سیرتِ حیدری کے شیدائی
نفس کو در کنار کرتے ہیں
Seerat-e-Haidari ke shaidaai
Nafs ko dar kinaar karte hain
چشمِ رحمت حضورؐ! احسؔن پر
غم کے بادل حصار کرتے ہیں
Chashm-e-Rehmat Huzoorؐ! Ahsan par
Gham ke baadal hisaar karte hain
Share This Naat
Share with friends and family
دل فدا جاں نثار کرتے ہیں
احسن اعظمی