نورِ حق نے اس طرح پیکر سنوارا نور کا
نور گویا بن گیا ہے استعارہ نور کا
Noor-e-Haq ne is tarah paikar sanwara noor ka
Noor goya ban gaya hai istaara noor ka
ہے کوئی ایسا بشر اس عالمِ امکان میں ؟
سر سے پاؤں تک ہو جو اک شاہ پارانور کا
Hai koi aisa bashar is aalam-e-imkan mein?
Sar se paaon tak ho jo aik shah paaranoor ka
نور دل ہے، نور سینہ، نور پیکر، نور جاں
نور کا سورہ ہے گویا استعارا نور کا
Noor dil hai, noor seena, noor paikar, noor jaan
Noor ka sura hai goya istaara noor ka
جو حجاباتِ خداوندی میں چمکا مدّتوں
جالیوں سے دیکھ آیا ہوں وہ تارا نور کا
Jo hijaabat-e-Khudaawandi mein chamka muddton
Jaliyon se dekh aaya hoon wo tara noor ka
رات زلفوں کی بلائیں لے کے پیچھے ہٹ گئی
سانس لے کر صبح نے صدقہ اتارا نور کا
Raat zulfon ki balaen le ke peechay hat gayi
Saans le kar subha ne sadqa utaara noor ka
انشراحِ قلبؔ و سینہ کا بیاں قرآن میں
نور کے دریا میں گویا ہے یہ دھارا نور کا
Inshiraah-e-Qalb aur seena ka bayaan Quran mein
Noor ke darya mein goya hai yeh dhaara noor ka
سرحدِ قوسین سے بھی ماورا معراج کو
بزمِ ” او ادنیٰ“ میں چمکا اک ستارا نور کا
Sarhad-e-Qausain se bhi mawara me'raaj ko
Bazm-e "O Adna" mein chamka ik sitaara noor ka
چاند، سورج، کہکشاں تارے، دھنک اور روشنی
نور کے دریُوزہ گر پائیں اُتارا نور کا
Chaand, sooraj, kahkashan taare, dhanak aur roshni
Noor ke daryoza gar payen utaara noor ka
Share This Naat
Share with friends and family
نورِ حق نے اس طرح پیکر سنوارا نور کا
سیّد شاکر القادری چِشتی نِظامی