اے زمینِ عرب ، آسمانِ ادب ، تجھ پہ بنیادِ تہذیب رکھی گئی
تیرے دِل پر رقم ، ہیں وہ نقشِ قدم ، جن سے کونین میں روشنی کی گئی
Ae zameen-e-Arab, aasman-e-adab, tujh pe bunyad-e-tehzeeb rakhi gayi
Tere dil par raqam, hain woh naqsh-e-qadam, jin se konain mein roshni ki gayi
مَیں بھی تیری فضاؤں کو اوڑھے پھرا ، میرے اندر بھی ہے ایک غارِ حر ا
جب محمّدؐ کی دہلیز پر جا گِرا ، میرے آگے سے دُنیا ہٹالی گئی
Main bhi teri fizaon ko odhe phira, mere andar bhi hai aik ghar-e-hera
Jab Muhammad (SAW) ki dehleez par ja gira, mere aage se duniya hatali gayi
کیا حسیں تھی وہ مُڑتی ہوئی رہگزر ، تِیرگی میں کِیا روشنی کا سفر
مُجھ گنہگار پر ، جب اُٹھی وہ نظر ، میرے سینے میں پیوست ہوتی گئی
Kya haseen thi woh murdti hui rehguzar, teeragi mein kiya roshni ka safar
Mujh gunahgar par, jab uthi woh nazar, mere seenay mein piawast hoti gayi
ریت کی پائلیں باندھ کر پاؤں میں ‘ رقص کرتا پھرا تیرے صحراؤں میں
شہر میں گاؤں میں دُھوپ میں چھاؤں میں ‘ عمر کی ساری نقدی لُٹا دی گئی
Rait ki paaylen bandh kar paon mein, raqs karta phira tere sahraon mein
Shehar mein gaon mein dhoop mein chaon mein, umar ki saari naqdi luta di gayi
پہلے اُن کی محبّت کا سا یا مِلا ، پھر مجھے اُن کی رحمت کا چشمہ مِلا
اُن کی راہوں سے پھر اِس قدر جا مِلا ، اُن کو دیکھا ، نظر جس طرف بھی گئی
Pehle un ki mohabbat ka saaya mila, phir mujhe un ki rehmat ka chashma mila
Un ki raaon se phir is qadar ja mila, un ko dekha, nazar jis taraf bhi gayi
مَیں جو عشقِ نبی میں فنا ہوگیا ، میرا ہر سانس حرفِ ثنا ہو گیا
بے طلب ہو گیا بے اَنا ہو گیا ، عاجزی آگئی بے قراری گئی
Main jo ishq-e-Nabi mein fana ho gaya, mera har saans harf-e-sana ho gaya
Be talab ho gaya be ana ho gaya, aajzi aagai be qarari gayi
جب محمّدؐ کا مُجھ کو پتہ لگ گیا ، مُجھ میں صُبحوں کا انبوہ سا لگ گیا
جتنا جی بھر کے دیکھا مظفؔر انھیں ‘ پیاس آنکھوں کی اتنی بھڑکتی گئی
Jab Muhammad (SAW) ka mujh ko pata lag gaya, mujh mein subhoon ka anbooh sa lag gaya
Jitna jee bhar ke dekha Muzaffar unhein, pyaas aankhon ki utni bhadakti gayi
Share This Naat
Share with friends and family
اے زمینِ عرب ، آسمانِ ادب
مظفر وارثی