مرا مدّعا ہیں مدینے کی گلیاں
مری رَہ نما ہیں مدینے کی گلیاں
Mera mudda hain madine ki galiyan
Meri raah numa hain madine ki galiyan
کہاں ایسی ہوتی ہیں پھولوں کی کلیاں
بہت خوشنما ہیں مدینے کی گلیاں
Kahan aisi hoti hain phoolon ki kaliyan
Bohat khushnuma hain madine ki galiyan
وہ عالم کہ بس چلتے پھرتے ہی رہیئے
عجب دِلرُبا ہیں مدینے کی گلیاں
Woh aalam ke bas chalte phirte hi rahiyey
Ajab dilruba hain madine ki galiyan
سکوں اور راحت ہے ہر ہر قدم پر
دِلوں کی دَوا ہیں مدینے کی گلیاں
Sukoon aur rahat hai har har qadam par
Dilon ki dawa hain madine ki galiyan
بہارِ گل باغِ جنّت یہیں ہے
بڑی پُر فضا ہیں مدینے کی گلیاں
Bahaar-e-gul bagh-e-jannat yahin hai
Bari pur fiza hain madine ki galiyan
ہدایت کے چشمے جہاں سے ہیں جاری
وہ بہرِ عطا ہیں مدینے کی گلیاں
Hidayat ke chashme jahan se hain jari
Woh behar-e-ata hain madine ki galiyan
وہ آرام جنّت میں ملتا ہو شاید
جو راحت فضا ہیں مدینے کی گلیاں
Woh aaram jannat mein milta ho shayad
Jo rahat fiza hain madine ki galiyan
سمجھتے ہیں یہ راز اہلِ معَانی
دِلِ باصفا ہیں مدینے کی گلیاں
Samajhte hain yeh raaz ahl-e-maani
Dil-e-basafa hain madine ki galiyan
جو در کار صحت ہو حاضر یہاں ہو
مریضو دوا ہیں مدینے کی گلیاں
Jo dar kar sehat ho haazir yahan ho
Marizo dawa hain madine ki galiyan
یہاں جو ہیں ساکن وہ بیمار کیوں ہوں
کہ دار الشفا ہیں مدینے کی گلیاں
Yahan jo hain sakin woh bemaar kyun hon
Ke dar-ul-shifa hain madine ki galiyan
خدا اور خدا کا نبی جانتا ہے
کہ در اصل کیا ہیں مدینے کی گلیاں
Khuda aur khuda ka nabi jaanta hai
Ke dar asal kya hain madine ki galiyan
کرو دیدہ و دل کو روشن حمیؔد
اگر دیکھنا ہیں مدینے کی گلیاں
Karo deedah-o-dil ko roshan Hameed
Agar dekhna hain madine ki galiyan
Share This Naat
Share with friends and family
مرا مدّعا ہیں مدینے کی گلیاں
نامعلوم