نبی کا نام جب میرے لبوں پر رقص کرتا ہے
لہو بھی میری شریانوں کے اندر رقص کرتا ہے
Nabi ka naam jab mere labon par raqs karta hai
Lahu bhi meri shiraon ke andar raqs karta hai
مری بے چَین آنکھوں میں وہ جب تشریف لاتے ہیں
تصوّر اُن کے دامن سے لپٹ کر رقص کرتا ہے
Meri bechain aankhon mein woh jab tashreef laate hain
Tasawwur un ke daaman se lipat kar raqs karta hai
وہ صحراؤں میں بھی پانی پلا دیتے ہیں پیاسوں کو
کہ اُن کی اُنگلیوں میں بھی سمندر رقص کرتا ہے
Woh sehraon mein bhi paani pila dete hain pyaason ko
Ke un ki ungliyon mein bhi samundar raqs karta hai
پڑے ہیں نقشِ پائے مصطفیٰ کے ہار گردن میں
جبھی تو رُوح لہراتی ہے پَیکر رقص کرتا ہے
Pare hain naqsh-e-paaye Mustafa ke haar gardan mein
Jabhi to rooh lehrati hai paikar raqs karta hai
خیال آتا ہے جب بھی گرمیِ روزِ قیامت کا
غمِ عصیاں سرِ دریائے کوثر رقص کرتا ہے
Khayaal aata hai jab bhi garmi-e-roz-e-qayamat ka
Gham-e-asiyan sar-e-darya-e-kausar raqs karta hai
زمیں و آسماں بھی اپنے قابو میں نہیں رہتے
تڑپ کر جب مُحمّدؐ کا قلندر رقص کرتا ہے
Zameen o aasmaan bhi apne qaabu mein nahin rehte
Tadap kar jab Muhammad ka qalander raqs karta hai
لگی ہے بھیڑ اُس کے گرِد یہ کیسی فرشتوں کی
یہ کِس کا نام لے لے کر مظفّر رقص کرتا ہے
Lagi hai bheer us ke gird ye kaisi farishton ki
Ye kis ka naam le le kar Muzaffar raqs karta hai
Share This Naat
Share with friends and family
نبی کا نام جب میرے لبوں پر رقص کرتا ہے
مظفر وارثی