مجھے اپنا پُر نور چہرہ دکھا دے
میں ذرّہ ہوں تو مجھ کو سورج بنا دے
Mujhe apna pur noor chehra dikha de
Main zarra hoon to mujh ko sooraj bana de
اگر تیرے رستے سے میں ہٹ گیا ہوں
تو پھر مجھ کو اس پر دوبارہ لگا دے
Agar tere rastay se main hat gaya hoon
To phir mujh ko is par dobara laga de
صحابہ کی میں شاعری کر رہا ہوں
مجھے اس میں تُو سب کے آگے بڑھا دے
Sahaba ki main shairi kar raha hoon
Mujhe is mein tu sab ke agay barha de
سبھی خواب میرے تُو لوٹا دے مجھ کو
تُو پھر اپنی خوشبو میں مجھ کو اڑا دے
Sabhi khuwab mere tu lota de mujh ko
Tu phir apni khushboo mein mujh ko ura de
صحابہ چلا کرتے جس راستے پر
مجھے بھی اسی راستے پر چلا دے
Sahaba chala karte jis rasty par
Mujhe bhi usi rasty par chala de
جہاں پر پڑے ہوں صحابہ کے جوتے
مجھے اس جگہ پر ہی لا کر بٹھا دے
Jahan par pare hon sahaba ke jootay
Mujhe us jagah par hi la kar bitha de
جہاں پہ ہوں موجود سارے صحابہ
مجھے بھی وہی رنگِ محفل دکھا دے
Jahan pe hon mojood saare sahaba
Mujhe bhi wahi rang-e-mahfil dikha de
مسلمانوں سے ہیں وہ دستِ و گریباں
سبھی کافروں کو خدارا بھگا دے
Musulmanon se hain wo dast-e-o-gareba
Sabhi kafron ko khudara bhaga de
مسلماں جو اس دور میں سو گئے ہیں
مری شاعری سے تو ان کو جگا دے
Musulmaan jo is dor mein so gaye hain
Meri shairi se tu un ko jaga de
نہ اترے نشہ جس کا تا روزِ محشر
مجھے بادہ و جام ایسا پلا دے
Na utray nasha jis ka ta roz-e-mahshar
Mujhe bada o jam aisa pila de
کروں اپنی آنکھوں کو میں ان سے ٹھنڈا
ابوبکر و فاروق سے تو ملا دے
Karoon apni aankhon ko main un se thanda
Abu Bakr o Farooq se tu mila de
ادب جو نہیں کرتے مولا علی کا
مجھے ایسے لوگوں سے تنہا لڑا دے
Adab jo nahi karte Maula Ali ka
Mujhe aise logon se tanha lara de
کھڑا رہ سکے سارے فتنوں کے آگے
مرے آقا انجؔم کو ایسی دعا دے
Khara reh sakay saare fitnon ke agay
Mere aaqa Anjam ko aise dua de
Share This Naat
Share with friends and family
مجھے اپنا پُر نور چہرہ دکھا دے
انجم نیازی