مجھے یاد آ رہی ہیں ترے شہر کی فضائیں
وہ سکوں نواز لمحے وہ خنک خنک ہوائیں
Mujhe yaad aa rahi hain tare sheher ki fazaen
Wo sukoon nawaz lamhe wo khunak khunak hawaen
تھا جو کیف حاضری کا جو کرم ہوا نبی کا
جو ملا سرور دل کو تمہیں کیسے وہ بتائیں
Tha jo kaif hazri ka jo karam hua Nabi ka
Jo mila surur dil ko tumhe kaise wo bataen
ہے دعا خدا سے ہردم کہ مدینے ہم بھی جائیں
وہیں موت آئے ہم کو کبھی لوٹ کر نہ آئیں
Hai dua Khuda se hardam ke Madine hum bhi jaen
Wahin maut aaye hum ko kabhi laut kar na aen
ہو ستون عائشہ پر وہی میری اشک باری
کبھی کاش زندگی میں وہی لمحے لوٹ آئیں
Ho sutoon Ayesha par wohi meri ashq bari
Kabhi kaash zindagi mein wohi lamhe laut aen
ہے دیار مصطفیٰ کی بخدا حسین ہر شے
جو بسا ہے شہر دل میں اسے کیسے بھول جائیں
Hai dayar Mustafa ki bakhuda haseen har shai
Jo basa hai sheher dil mein usay kaise bhool jaen
در مصطفیٰ پہ جا کر جو خطائیں یاد آئیں
یہ نہ پوچھئے کہ کیا کیا ہوئیں مجھ پہ پھر عطائیں
Dar-e-Mustafa pe ja kar jo khataen yaad aen
Yeh na poochiye ke kya kya huein mujh pe phir ataen
ہو کرم حضور اتنا رہے در پہ آنا جانا
مری زندگی کے مالک ہیں مری یہ التجائیں
Ho karam Huzoor itna rahe dar pe ana jana
Meri zindagi ke maalik hain meri yeh iltijaen
ہو کرم جو اس گدا پر دل و جاں کروں نچھاور
مرے گھر جو آپ آئیں مرے بھاگ جاگ جائیں
Ho karam jo is gada par dil o jaan karun nisar
Mere ghar jo aap aen mere bhaag jag jaen
در پاک پر نیازی تھا عجیب میرا عالم
جو سر نیاز خم تھا تو لبوں پہ تھیں دعائیں
Dar-e-Paak par Niazi tha ajeeb mera alam
Jo sar-e-niaz kham tha to labon pe thein duaen
Share This Naat
Share with friends and family
مجھے یاد آ رہی ہیں ترے شہر کی فضائیں
عبدالستار نیازی