حرف تصویرِ تحیر ہے ،ادب مہر بہ لب
تیرے آگے ہیں فصیحانِ عرب مہر بہ لب
Harf-e-tasveer-e-tahayyur hai, adab mehr-ba-lab
Tere aage hain fasihan-e-arab mehr-ba-lab
استعارات و کنایات و لقب مہر بہ لب
پیشِ مدحِ شہِ کونین ہیں سب مہر بہ لب
Isti'arat o kinayat o laqab mehr-ba-lab
Pesh-e-mad'h-e-sheh-e-konain hain sab mehr-ba-lab
شرع گر منع نہ فرمائے تو کہہ دوں کہ ترے
اِک تبسم سے ہو قدرت کا غضب مہر بہ لب
Shara'a gar mana na farma'e to keh doon ke tere
Ik tabassum se ho qudrat ka gazab mehr-ba-lab
اے مہِ مولدِ تشریف دہِ وقت و مکان !
تیرے آگے مہ رمضان و رجب مہر بہ لب
Ae meh-e-mawlad-e-tashreef de'h-e-waqt o makaan!
Tere aage meh-e-ramzan o rajab mehr-ba-lab
اے مِرے ہاشمی قرشی عربی تیرے حضور !
فخر اَحساب ہے چپ ، فضلِ نسب مہر بہ لب
Ae mere hashmi quraishi arabi tere huzoor!
Fakhr-e-ahsaab hai chup, fazl-e-nasab mehr-ba-lab
باعثِ حبطِ عمل ہے یہاں رفعِ اصوات
شورِ اَشواق و تنفس ! ذرا اب مہر بہ لب
Ba'is-e-habt-e-amal hai yahaan raf'a-e-aswat
Shoor-e-ashwaq o tanaffus! zara ab mehr-ba-lab
در پہ بلوا کے معظمؔ کو دکھادے قدرت
میرے مختار ! ہیں ویسے تو سبب مہر بہ لب
Dar pe bulwa ke mu'azzam ko dikha de qudrat
Mere mukhtar! hain waise to sabab mehr-ba-lab
Share This Naat
Share with friends and family
حرف تصویرِ تحیر ہے ،ادب مہر بہ لب
معظم سدا معظم مدنی