مِل گئے گر اُن کی رحمت کے نقوش
نقش ہیں یہ راہِ جنت کے نقوش
Mil gaye gar un ki rehmat ke naqosh
Naqsh hain yeh raah-e-jannat ke naqosh
ہو نہیں سکتا مسلماں وہ کبھی
ہوں اگر نہ اُن کی اُلفت کے نقوش
Ho nahi sakta musalmaan woh kabhi
Hoon agar na un ki ulfat ke naqosh
ہر زمانے کی زباں میں پاؤگے
تم مرے آقا کی مدحت کے نقوش
Har zamane ki zubaan mein paaoge
Tum mere aaqa ki madahat ke naqosh
حُسن خود ہی دیکھ کر حیران ہے
رب کے پیارے کی ملاحت کے نقوش
Husn khud hi dekh kar heraan hai
Rab ke pyaare ki malaahat ke naqosh
بے شُبہ جُملہ جہانوں کے لئے
ہیں مرے آقا کی مدحت کے نقوش
Be shubha jumla jahanon ke liye
Hain mere aaqa ki madahat ke naqosh
عرش سے بھی پار پہنچے لامکاں
چھا گئے آقا کی رِفعت کے نقوش
Arsh se bhi paar pahunche la-makaan
Chha gaye aaqa ki rifat ke naqosh
بس خیالی روشنی مغرب کی ہے
ہیں سراسر اِس میں ظُلمت کے نقوش
Bas khayali roshani maghrib ki hai
Hain sarasar is mein zulmat ke naqosh
سیرتِ خیرالوریٰ اپنائیے
اِس میں ہیں انساں کی عظمت کے نقوش
Seerat-e-Khair ul Wara apnaiye
Is mein hain insaan ki azmat ke naqosh
میرے آقا کے سبھی اصحاب ہیں
منزلِ رُشد و ہدایت کے نقوش
Mere aaqa ke sabhi ashaab hain
Manzil-e-rusd o hidayat ke naqosh
بوبکر، فاروق، عثمان و علی
خوب ہیں اِن کی خلافت کے نقوش
Bobakar, Farooq, Usman o Ali
Khoob hain in ki khilafat ke naqosh
دیکھ لے آکر درِ خیرالوریٰ
دیکھنے ہوں جس کو جنت کے نقوش
Dekh le akar dar-e-Khair ul Wara
Dekhne hon jisko jannat ke naqosh
ذکرِ آقا کو وظیفہ کیجیے
زندگی میں ہوں گے راحت کے نقوش
Zikr-e-aaqa ko wazifa kijiye
Zindagi mein honge rahat ke naqosh
اُن کے دامن سے رہے وابستگی
حشر تک ہوں ساتھ نسبت کے نقوش
Un ke daaman se rahe wabastagi
Hashar tak hon saath nisbat ke naqosh
در پہ پھر مرزا کو بُلوا لیجئے
یا نبی مِٹ جائیں فُرقت کے نقوش
Dar pe phir Mirza ko bulwa lijiye
Ya Nabi mit jaayein furqat ke naqosh
Share This Naat
Share with friends and family
مِل گئے گر اُن کی رحمت کے نقوش
مرزا جاوید بیگ عطاری