امیدیں جاگتی ہیں دل ہیں زندہ گھر سلامت ہیں
تری دہلیز کے صدقے ہمارے سر سلامت ہیں
Umeedein jagti hain dil hain zinda ghar salamat hain
Teri dehleez ke sadqe hamare sar salamat hain
دراڑوں کو بھی تیری رحمتوں نے باندھ رکھا ہے
فضا کتنی شکستہ ہے مگر منظر سلامت ہیں
Daradon ko bhi teri rehmaton ne bandh rakha hai
Fiza kitni shikasta hai magar manzar salamat hain
قیامت تک محمدؐ مصطفےٰؐ کے ساتھ رہنا ہے
فقط اس آسرے پر اس توقع پر سلامت ہیں
Qayamat tak Muhammad ﷺ Mustafa ﷺ ke sath rehna hai
Faqat is asre par is tawaqqo par salamat hain
ہماری مسجدیں بھی ڈیڑھ ڈیڑھ اینٹوں پہ ہیں قائم
کلس مینار‘ گنبد گر گئے منبر سلامت ہیں
Hamari masjidein bhi derh derh eenton pe hain qaim
Kalas minar, gunbad gir gaye minbar salamat hain
ہماری روح شیشہ اور یہ شیشہ ریزہ ریزہ ہے
ہمارے جسم پتھر‘ اور یہ پتھر سلامت ہیں
Hamari rooh sheesha aur ye sheesha reza reza hai
Hamare jism patthar, aur ye patthar salamat hain
ہمیں بھی صاحب معراج اڑنے کی سکت دے دے
ہماری ہمتیں ٹوٹی ہیں لیکن پر سلامت ہیں
Humein bhi sahib-e-me'raj urne ki sakat de de
Hamari himmaten tooti hain lekin par salamat hain
ہمیں توفیق دے ہم اور اضافہ کر سکیں دکھ میں
ہمارے دشمنوں کو دکھ ہے ہم کیونکر سلامت ہیں
Humein tawfeeq de hum aur izafa kar saken dukh mein
Hamare dushmanon ko dukh hai hum kyonkar salamat hain
نگل سکتا ہے جب فرعون کو دریا مرے آقاؐ
تو پھر کیوں غیرتِ ایماں کے سوداگر سلامت ہیں
Nigal sakta hai jab Firaun ko darya mere Aqa ﷺ
Toh phir kyun ghairat-e-imaan ke saudagar salamat hain
مرے جذبات کے پیچھے مظفر ان کی طاقت ہے
میں کیسے ٹوٹ جاؤں وہ مرے اندر سلامت ہیں
Mere jazbaat ke peeche Muzaffar un ki taqat hai
Main kaise toot jaaun woh mere andar salamat hain
Share This Naat
Share with friends and family
امیدیں جاگتی ہیں دل ہیں زندہ گھر سلامت ہیں
مظفر وارثی