من گھن چا ڈھولا ترلے اساں دے
کدوں پیر پیسن میرے گھر تساں دے
Man ghan cha dhola tralle asan de
Kadhoon peer paysan mere ghar tasan de
لگیاں نیں ڈھولا چر توں اڈیکاں
کئی وار لنگھیاں تیریاں تریکاں
Lagiyan ne dhola char toon adeekan
Kayi waar langhiyaan teriyan treekan
مینوں مار چھڈیا میریاں شریکاں
ڈھلدے نئیں سرتوں سائے دکھاں دے
Maino maar chhadiya meriyan shareekan
Dhalde nai sarton saaye dukhan de
بالاں پئی دیوے میں وچہ مستیاں
لج پال سوہناں پالے پریتاں
Balaan payee dewe main wicha mastiyaan
Lajpal sohnan pala preetaan
نفلی نمازاں تیرے لئی نیتاں
کردے نیں عرضاں منگتے شہاں دے
Nafli namazan tere layee niitaan
Karde ne arzan mangte shahan de
جیون دے لنگھ دے رو رو دیہاڑے
مکدے نئیں ڈھولا سینے دے ساڑے
Jeevan de langh de ro ro dihaare
Mukde nai dhola seene de saare
ہتھ جوڑ کیتے کئی وار ہاڑے
کچھ ترس کھاویں پیریں پیاں دے
Hath jod keete kayi waar haare
Kuch taras khaween peeren pyaan de
اوہدے بانجھ دیوے کیہڑا دلاسے
کرساں میں خوشیاں ونڈساں پتاسے
Ohde banjh dewe kihda dilaase
Karsan main khushiyan wandaan pataase
زندگی گزاراں ایسے میں آسے
آون گے اک دن جانی دلاں دے
Zindagi guzaran aise main aaase
Aawan gay ek din jaani dalan de
منتاں منیساں منتاں کریساں
ساری عمر تیریا پانی بھریساں
Mantan maneesan mantan kareesan
Saari umar teriya paani bhareesan
جندڑی جے منگیں جندڑی وی دیساں
ازلوں ہاں ڈھولا نوکر شہاں دے
Jindri je mangein jindri wee deesan
Azloo han dhola nokar shahan de
دیکھیں نہ سوہناں میریاں خطاواں
جانے نیازی تیریاں عطاواں
Dekheen na sohnan meriyan khatawaan
Jaane Niazi teriyan atawaan
جیہڑے غم ملے ہن کیہنوں سناواں
کیہڑے در تے جاون مارے غماں دے
Jehre gham mile han kehnoon sanawaan
Kehde dar te jaawan mare ghmaan de
Share This Naat
Share with friends and family
من گھن چا ڈھولا ترلے اساں دے
عبدالستار نیازی