فوجِ غم کی برابر چڑھائی ہے
دافعِ غم تمہاری دُہائی ہے
Fauj-e gham ki barabar charhayi hai
Dafi-e gham tumhari duhayi hai
عمر کھیلوں میں ہم نے گنوائی ہے
عمر بھر کی یہی تو کمائی ہے
Umar khelon mein hum ne ganwayi hai
Umar bhar ki yahi to kamayii hai
تم نے کب بات کوئی نَبَرائی ہے
تم سے جو آرزو کی بَر آئی ہے
Tum ne kab baat koi nabrai hai
Tum se jo arzoo ki bar aai hai
تم سے ہر دَم اُمیدِ بھلائی ہے
مَیٹ دیجئے جو ہم میں بُرائی ہے
Tum se har dam umeed-e bhalayi hai
Met dijiye jo hum mein burai hai
تم نے کب آنکھ ہم کو دکھائی ہے
تم نے کب آنکھ ہم سے پھرائی ہے
Tum ne kab aankh hum ko dikhayi hai
Tum ne kab aankh hum se phirai hai
تم کو عالم کا مالک کیا اس نے
جس کی مملوک ساری خدائی ہے
Tum ko aalam ka maalik kiya us ne
Jis ki mamluk sari khudayi hai
کس کے قبضے میں ہیں یہ زمین و زماں
کس کے قبضے میں پیارے خدائی ہے
Kis ke qabze mein hain ye zameen-o-zamaan
Kis ke qabze mein pyare khudayi hai
تو خدا کا ہوا اور خدا تیرا
تیرے قبضے میں ساری خدائی ہے
Tu khuda ka huwa aur khuda tera
Tere qabze mein sari khudayi hai
جب خدا خود تمہارا ہوا تو پھر
کون سی چیز ہے جو پرائی ہے
Jab khuda khud tumhara huwa to phir
Kaun si cheez hai jo parai hai
سب صفاتِ خدا کے ہو تم مَظہَر
ایک قابو سے باہر خدائی ہے
Sab sifat-e khuda ke ho tum mazhhar
Ek qabo se bahar khudayi hai
تاج رکھا ترے سر رَفَعْنَا کا
کس قدر تیری عزت بڑھائی ہے
Taaj rakha tere sar rafa’na ka
Kis qadar teri izzat barhayi hai
اَنبیا کو رَسائی ملی تم تک
بس تمہاری خدا تک رَسائی ہے
Anbiya ko rasai mili tum tak
Bas tumhari khuda tak rasai hai
اَز زمیں تا فلک جن و اِنس و مَلک
جس کو دیکھو تمہارا فدائی ہے
Az zameen ta falak jin-o-ins-o-malak
Jis ko dekho tumhara fidai hai
رَشکِ سلطان ہے وہ گدا جس نے
تیرے کوچہ میں دُھونی رَمائی ہے
Rashk-e sultan hai woh gada jis ne
Tere koocha mein dhoni ramai hai
میری تقدیر کردو بھلی تم نے
قدرتِ محو و اِثبات پائی ہے
Meri taqdeer kar do bhali tum ne
Qudrat-e mehvo isbat pai hai
میرا بیڑا کنارے لگے پیارے
نوح کی ناؤ کس نے ترائی ہے
Mera beDa kinare lage pyare
Nuh ki nao kis ne tarai hai
آگ کو باغ کس نے کیا پیارے
تم نے تم نے ہی قدرت یہ پائی ہے
Aag ko bagh kis ne kiya pyare
Tum ne tum ne hi qudrat ye pai hai
میرے دل کی لگی بھی بجھا دیجئے
نارِ نمرود کس نے بجھائی ہے
Mere dil ki lagi bhi bujha dijiye
Naar-e Namrood kis ne bujhai hai
شرر اَفشانیاں کس کی ہیں عشق کی
آگ سینے میں جس نے لگائی ہے
Sharaf afshaniyan kis ki hain ishq ki
Aag seene mein jis ne lagayi hai
کاش وہ حشر کے دن کہیں مجھ سے
نارِ دوزخ سے تجھ کو رِہائی ہے
Kaash woh hashr ke din kahiin mujh se
Naar-e dozakh se tujh ko rihai hai
خوشبوئے زُلف سے کوچے مہکے ہیں
کیسے پھولوں میں شاہا بسائی ہے
Khushbu-e zulf se kooche mehke hain
Kaise phoolon mein shaha basai hai
پیارے خوشبو تمہارے پسینے کی
خلد کے پھولوں سے بھی سوائی ہے
Pyare khushbu tumhare paseene ki
Khald ke phoolon se bhi sawai hai
بات وہ عطرِ فردوس میں بھی نہیں
تیرے ملبوس نے جو ُسنگھائی ہے
Baat woh itr-e firdous mein bhi nahi
Tere malboos ne jo sunghai hai
اس رضا پر ہو مولیٰ رضائے حق
راہ جس نے تمہاری جلائی ہے
Is Raza par ho Maula razaye haq
Raah jis ne tumhari jalai hai
ناخدا باخدا آؤ بہرِ خدا
میری کشتی تباہی میں آئی ہے
Naakhuda bakhuda aao bahr-e khuda
Meri kashti tabahi mein aai hai
ہیں یہ صدمے تری ہی فرقت کے
روز اَفزوں یہ دردِ جدائی ہے
Hain ye sadme teri hi furqat ke
Roz afzoon ye dard-e judai hai
طیبہ جاؤں وہاں سے نہ واپس آؤں
میرے جی میں تو اب یہ سمائی ہے
Tayba jaoon wahaan se na wapas aaon
Mere jee mein to ab ye samai hai
مررہا ہوں تم آجاؤ جی اُٹھوں
شربتِ دِید میری دَوائی ہے
Marr raha hoon tum aajao jee uthoon
Sharbat-e deed meri dawai hai
شوقِ دِیدارِ نوری میں اے نوریؔ
رُوح کھنچ کر اب آنکھوں میں آئی ہے
Shauq-e deedaar-e noori mein ae Noori
Ruh khinch kar ab aankhon mein aai hai
Share This Naat
Share with friends and family
فوجِ غم کی برابر چڑھائی ہے
مفتی مصطفٰی رضا خان