ہے اگر زمانے میں شہر جو کوئی دلکش
وہ فقط مدینہ ہے شہر واقعی دلکش
Hai agar zamane mein shehar jo koi dilkash
Woh fakat Madina hai shehar waqai dilkash
ہیچ ہے مدینے کے لالہ زار کے آگے
باغِ خلدِ رضواں ہے لاکھ دیدنی دلکش
Heech hai Madine ke laala zar ke aage
Baagh-e-Khuld-e-Rizwan hai laakh deedni dilkash
اس لیے درِ آقاؐ سے نظر نہیں ہٹتی
جاذبِ نظر ایسا ہے درِ نبیؐ دلکش
Is liye dar-e-Aqa ﷺ se nazar nahi hatt-ti
Jazib-e-nazar aisa hai dar-e-Nabi ﷺ dilkash
جس کا قلب روشن ہے نورِ حُبِ سرور سے
ہے حیات اس کی ہی آج واقعی دلکش
Jis ka qalb roshan hai noor-e-hub-e-sarwar se
Hai hayat us ki hi aaj waqai dilkash
جس کے سامنے خم ہے عظمتِ شہنشاہی
وہ درِ پیمبر کی ہے گداگری دلکش
Jis ke samne kham hai azmat-e-shehnshahi
Woh dar-e-Paighambar ki hai gadagari dilkash
آرزو ہے نظروں سے تو کبھی نہ اوجھل ہو
ایسی گنبدِ خضریٰ شان ہے تری دلکش
Aarzoo hai nazron se tu kabhi na oojhal ho
Aisi gunbad-e-Khazra shaan hai teri dilkash
حُبِ رحمت عالم دل میں جا گزیں کر لے
چاہتا ہے گر اپنی طرزِ زندگی دلکش
Hub-e-Rehmat-e-Alam dil mein ja gazein kar le
Chahata hai gar apni tarz-e-zindagi dilkash
آمدِ پیمبر کے فیضِ خاص کے صدقے
بے کسانِ عالم کی زیست ہوگئی دلکش
Aamad-e-Paighambar ke faiz-e-khaas ke sadqe
Be-Kasaan-e-Alam ki zeest ho gayi dilkash
حُبِ شہ کی دولت جب مل گئی صحابہ کو
خوش نصیب کہلائے، زندگی ہوئی دلکش
Hub-e-sheh ki dolat jab mil gayi sahaba ko
Khush naseeb keh-laye, zindagi hui dilkash
اسوۂ صحابہ کو دل سے تو جو اپنا لے
پھر تو بالیقیں ہوگی عاقبت تری دلکش
Uswa-e-Sahaba ko dil se tu jo apna le
Phir to ba-li-yaqeen hogi aaqibat teri dilkash
مدحتِ پیمبر کے فیضِ خاص سے احسؔن
فن نکھر گیا تیرا، شاعری ہوئی دلکش
Midhat-e-Paighambar ke faiz-e-khaas se Ahsan
Fan nikhar gaya tera, shairi hui dilkash
Share This Naat
Share with friends and family
ہے اگر زمانے میں شہر جو کوئی دلکش
احسن اعظمی