نہ دنیا میں اگر مہرِ رسالت ضوفشاں ہوتا
رہِ ظلمت میں گم گشتہ جہاں کا کارواں ہوتا
Na dunya mein agar mehr-e-risalat zofashaan hota
rah-e-zulmat mein gum gashta jahan ka karwaan hota
ہویدا آمنہ کا لال اگر ہوتا نہ مکے میں
زمیں کی دلکشی ہوتی نہ حسنِ آسماں ہوتا
Huiyada amna ka laal agar hota na makke mein
zameen ki dilkashi hoti na husn-e-aasman hota
پڑھا ہوتا نہ گر کلمہ نبیؐ کا سنگ ریزوں نے
تو بوجہلِ لعیں کا کس طرح چہرہ دھواں ہوتا
Padha hota na gar kalma nabiؐ ka sang rezon ne
to bujehl-e-laeen ka kis tarha chehra dhuwan hota
قدم رنجہ نہ فرماتے جو یثرب میں مرے آقاؐ
تو کیسے رشکِ باغِ خلد طیبہ کا سماں ہوتا
Qadam ranja na farmate jo yathrab mein mere aqaؐ
to kaise rashk-e-bagh-e-khuld taiba ka samaan hota
نہ جانے کتنی دہلیزوں پہ خم اپنی جبیں ہوتی
اگر حاصل نہ ہم کو شاہِ دیں کا آستاں ہوتا
Na jane kitni dehleezon pe kham apni jabeen hoti
agar hasil na hum ko shah-e-deen ka aastan hota
غلامانِ نبیؐ کی صف میں تو ہوتا اگر واعظ
شفاعت سے نبی کی تو بھی حقدارِ جناں ہوتا
Ghulaman-e-nabiؐ ki saf mein tu hota agar waiz
shafaat se nabi ki tu bhi haqdaar-e-janan hota
اگر آقاؐ نہ آکر خاتمہ کرتے مظالم کا
حصارِ ظلم میں اب تک جہاں ماتم کناں ہوتا
Agar aqaؐ na akar khatima karte mazalim ka
hisar-e-zulm mein ab tak jahan maatam karn hota
نہ ہوتے جلوہ گر بہرِ ہدایت ہادیِ اعظم
تو اب تک رقصِ ابلیسی یہاں ہوتا وہاں ہوتا
Na hote jalwa gar behr-e-hidayat hadi-e-azam
to ab tak raqs-e-iblisi yahan hota wahan hota
سعادت نعت گوئی کی نہ ملتی گر تجھے احسنؔ
نکھار اتنا تری فکرِ رسا میں پھر کہاں ہوتا
Saadat naat goi ki na milti gar tujhe ahsanؔ
nikhar itna teri fikar-e-rasa mein phir kahan hota
Share This Naat
Share with friends and family
نہ دنیا میں اگر مہرِ رسالت ضوفشاں ہوتا
احسن اعظمی