کدوں مُکے گا قسمت دا ہنیرا یا رسول اللہ
جے آجاؤ تے ہو جاوے سویرا یا رسول اللہ
Kadon mukay ga qismat da hanera ya Rasool Allah
Jey aajavo te ho jave sawera ya Rasool Allah
سُناواں کس نوں غم اپنا میں تیرے باہجھ محبوبا
ناں ہے تیرے سوا کوئی وی میرا یارسول اللہ
Sunawan kis nu gham apna main tere bahijh mahbooba
Naan hai tere siwa koi wi mera ya Rasool Allah
مری ککھاں دی کُلی غیرت افلاک ہو جاوے
تساڈا اک وی پے جاوے جے پھیرا یا رسول اللہ
Meri kakhhan di kuli ghairat aflak ho jave
Tasada ik wi pay jave jey pheraa ya Rasool Allah
چمن امید دا ویران ای کدھرے نہ ہو جاوے
خزاواں کر رہیاں نے تنگ گھیرا یا رسول اللہ
Chaman umeed da weran ai kidhare na ho jave
Khazawan kar rahiyan ne tang ghera ya Rasool Allah
گدا اوہ بادشاہواں دے وی اتے راج کردا اے
جنہوں مل جاوندا دربار تیرا یارسول الله
Gada oh badshahan de wi ate raj karda ai
Jinhan mil javanda darbaar tera ya Rasool Allah
تری عظمت دے جھنڈے جُھلدے نیں لامکاناں تے
علم تیرا اے عرشاں توں اچیرا یا رسول اللہ
Teri azmat de jhanday jhuldai ne la-makanan te
Ilm tera ai arshan toon ucheera ya Rasool Allah
کرم تیرے نے رکھیا اے بھرم صائم دا ہر ویلے
میں چکیا بھار جُرماں دا بتھیرا یا رسول اللہ
Karam tere ne rakhya ai bharam Saayeem da har wailey
Main chakiya bhaar jurman da batheera ya Rasool Allah
Share This Naat
Share with friends and family
کدوں مُکے گا قسمت دا ہنیرا یا رسول اللہ
علامہ صائم چشتی