تجھ کو آنکھوں میں لیے جب مَیں یہ دُنیا دیکھوں
ہر سَحَر میں تِرے ماتھے کا اُجالا دیکھوں
Tujh ko aankhon mein liye jab main ye duniya dekhoon
Har sahar mein tire maathay ka ujala dekhoon
آئِنہ بن کے جو ساری بشریّت آئے
کوئی تصویر کوئی عکس نہ تجھ سا دیکھوں
Aaina ban ke jo saari bashariyat aaye
Koi tasweer koi aks na tujh sa dekhoon
میری بِینائیوں کے پَر سے نِکل آتے ہیں
جب خلاؤں میں تِرا نقشِ کفِ پا دیکھوں
Meri binaiyon ke par se nikal aate hain
Jab khalaon mein tira naqsh e kaf e pa dekhoon
تیرے قدموں سے لپٹنے میں ہے معراج مِری
تیری دہلیز پہ جبریل کو بیٹھا دیکھوں
Tere qadmon se lipatne mein hai maaraj meri
Teri dehleez pe Jibraeel ko baitha dekhoon
کیا سمائے مِرے لفظوں میں بڑائی تیری
صَف میں نبیوں کی تِرا چاہنے والا دیکھوں
Kya samaaye mere lafzon mein barai teri
Saf mein nabiyon ki tira chahne wala dekhoon
شوق ہوتا ہے جو بیتاب تلاوت کے لیے
رحِل دل پر تِرے جلووں کا صحیفہ دیکھوں
Shoq hota hai jo betaab tilawat ke liye
Rah e dil par tire jalwon ka sahifa dekhoon
تیری انگشت تصوّر سے بھی چشمے پھُوٹیں
تیرے صحرا میں کِسی کو بھی نہ پیاسا دیکھوں
Teri angusht tasawwur se bhi chashmay phootain
Tere sehra mein kisi ko bhi na pyasa dekhoon
آنکھو والوں کو نظر آئی نہ پرچھائیں تِری
مَیں تو دیوارِ ابد تک تِرا سایہ دیکھوں
Aankhon walon ko nazar aayi na parchhai teri
Main to deewar e abad tak tira saaya dekhoon
ڈال دیں مُجھ پہ مظفّر جو وُہ کالی کملی
رُوح کے غار سے خُورشید نِکلتا دیکھوں
Daaldain mujh pe Muzaffar jo woh kali kamli
Rooh ke ghhaar se khursheed nikalta dekhoon
Share This Naat
Share with friends and family
تجھ کو آنکھوں میں لیے جب مَیں یہ دُنیا دیکھوں
مظفر وارثی