جوش میں آگئی رحمتِ کبریا ہم غریبوں کے حاجت روا آگئے
غم کے ماروں کے غم دور ہونے لگے شور اُٹھا کہ مشکل کشا آگئے
Josh mein aagai Rehmat-e-Kibriya hum ghariboo ke haajat rawa agaye
Gham ke maaroon ke gham door hone lage shor utha ke mushkil kush aagaye
حُسن پر جن کے نازاں ہے شانِ خدا جنکے نقشِ قدم پر دو عالم فِدا
ہیں جو مقصود ِ خلق اور مطلوبِ حق مرحَبا وہ حبیبؐ خدا آگئے
Husn par jin ke nazaan hai shaan-e-Khuda jinke naqsh-e-qadam par do aalam fida
Hain jo maqsood-e-Khalq aur matloob-e-Haq marhaba wo Habeeb (SAW) Khuda agaye
ابرِ رحمت مسلسل برسنے لگا دِل کے پژ مُردہ غنچے مہکنے لگے
مونسِ بیکساں ہادئ گمر ہاں کشتئ نوح کے ناخدا آگئے
Abr-e-Rehmat musalsal barasne laga dil ke pej murda ghunche mehakne lage
Muns-e-bekasaan haad-e-gumraahaan kishti-e-Nuh ke naakhuda agaye
بے نِشانوں کو اپنے نشاں مِل گئے نامرادوں کو دُونوں جہاں مِل گئے
کُنتُ کنزًا کا خلوت کدہ چھوڑ کر بزم ہستی میں خیر الوری آگئے
Be nishaanoon ko apne nishaan mil gaye naamuraadoon ko dono jahan mil gaye
Kuntu kanza ka khalwat kadah chor kar bazm-e-hasti mein Khair-ul-wara agaye
آفتاب ِ رسالت درخشاں ہوا دُور دنیا سے سارا اندھیرا ہوا
ذِکر سے ان کے دل جگمگانے لگا لیکے انوار نور الہُدیٰ آگئے
Aaftaab-e-Risaalat darakhshaan hua door duniya se saara andhera hua
Zikar se unke dil jagmagane laga leke anwaar noor-al-huda agaye
ہم گنہگار جاتے تو جاتے کہاں مِل گئی اے خوشا انکے در پر اماں
فیض و بخشش کے دَر کھل گئے ہر طرف ہو مبارک شفیع الوریٰ آگئے
Hum gunehgaar jaate to jaate kahan mil gayi ae khusha unke dar par amaan
Faiz o bakhshish ke dar khul gaye har taraf ho mubarak shafi-ul-wara agaye
کون ہے اس قدر محترم دیکھئے اللہ اللہ یہ حُسن ِ کرم دیکھئے
شرم سے بادشاہوں کی گردن جھکی سامنے جب بھی انکے گدا آگئے
Kaun hai is qadr mohtaram dekhiye Allah Allah yeh husn-e-karam dekhiye
Sharam se badshahoon ki gardan jhuki samne jab bhi unke gada agaye
میری مشکل میں مشکل کشائی ہوئی میری رنج و محن سے رہائی ہوئی
عالِم یاس میں جب پکارا انہیں میری اِمداد کو مصطفےٰ آگئے
Meri mushkil mein mushkil kushai hui meri ranj o mehn se rehayi hui
Aalam-e-yaas mein jab pukaara unhein meri imdaad ko Mustafa agaye
میں سراپا خطا وہ سرا پا عطا میں گنہگار ہوں وہ شفیع الورا
خالَدؔ بے نوا بخت یا ور ہوا بخشوانے شہِ دوسرا آگئے
Main sarapa khata wo sarapa ata main gunehgaar hoon wo shafi-ul-wara
Khalid be-nawa bakht yawar hua bakhshwane shah-e-dosra agaye
Share This Naat
Share with friends and family
جوش میں آگئی رحمتِ کبریا
خالد محمود خالد