دیارِ دل میں تیرے ذِکر سے نعتیں اُترتی ہیں
خدا کے نُور میں ڈوبی ہوئی باتیں اُترتی ہیں
Diyar-e-dil mein tere zikr se naatein utarti hain
Khuda ke noor mein doobi hui baatein utarti hain
مجھے گھیرے میں لے لیتی ہیں انجانی سی خوشبوئیں
کسی ندیا پہ جیسے چاندنی راتیں اُترتی ہیں
Mujhe ghere mein le leti hain anjaani si khushbuuen
Kisi nadiya pe jaise chandni raatein utarti hain
مِرے الفاظ جب ہوتے ہیں سجدہ ریز کاغذ پر
زمیں پر آسماں سے کتنی توراتیں اُترتی ہیں
Mere alfaaz jab hote hain sajda reez kaaghaz par
Zameen par aasman se kitni toraatein utarti hain
میں لکھنے بیٹھتا ہوں جب تری نعتیں وضو کر کے
مرے چاروں طرف رحمت کی برساتیں اُترتی ہیں
Main likhne baithta hoon jab teri naatein wuzu kar ke
Mere chaaron taraf rehmat ki barsaatein utarti hain
فرشتے ہی مرے ہوتے ہیں آخر ہمنشیں انجؔم
مرے گھر میں فرشتوں ہی کی باراتیں اُترتی ہیں
Farishtay hi mere hote hain aakhir hamnasheen Anjum
Mere ghar mein farishton hi ki baraatein utarti hain
Share This Naat
Share with friends and family
دیارِ دل میں تیرے ذِکر سے نعتیں اُترتی ہیں
انجم نیازی