اُن کو بھی خوفِ حشر ہے کیونکر لگا ہوا
حامی ہے جن کا شافعِ محشر لگا ہوا
Un ko bhi khauf-e-hashr hai kyonkar laga hua
Hami hai jin ka shafi-e-mahshar laga hua
طائر وہی خیال کا، پہنچا ہے اُن کے در
جس کو ہے اسمِ نور کا شہپر لگا ہوا
Taer wahi khayal ka, pohcha hai un ke dar
Jis ko hai ism-e-noor ka shahpar laga hua
آتے ہیں ان کے در پہ زمانے کے بادشہ
جن کا تری گلی میں ہے بستر لگا ہوا
Aate hain un ke dar pe zamane ke badshah
Jin ka teri gali mein hai bastar laga hua
مہکے ہیں ایسے حلقے درودوں کے بے شبہ
گویا کہ بام و در پہ ہے عنبر لگا ہوا
Mehke hain aise halqe duroodon ke be shubh
Goya ke baam o dar pe hai anbar laga hua
منصب کسی کا اُس کے مقابل ہو کیا بھلا
جو سارے انبیا کا ہے افسر لگا ہوا
Mansab kisi ka us ke muqabil ho kya bhala
Jo sare anbiya ka hai afsar laga hua
اُس سر زمیں کا دہر میں ثانی کہاں بھلا
ہے جس زمیں پہ گنبدِ اخضر لگا ہوا
Us sar zamin ka dahr mein sani kahan bhala
Hai jis zamin pe gunbad-e-akhzar laga hua
غم اُن کو جا سنائیں گے ہم بھی جلیل جی
طیبہ میں ہے حضور کا دفتر لگا ہوا
Gham un ko ja sunaenge hum bhi Jaleel Ji
Taybah mein hai Huzoor ka daftar laga hua
Share This Naat
Share with friends and family
اُن کو بھی خوفِ حشر ہے کیونکر لگا ہوا
حافظ عبدالجلیل