آج رحمت کی ہو برسات مرے شاہِ زمن
ہو عطا نعت کی سوغات مرے شاہِ زمن
Aaj rehmat ki ho barsat mere shah-e-zaman
Ho ata naat ki soghat mere shah-e-zaman
آپ کی مدح میں اشعار کی لڑیاں باندھوں
لب پہ ہو صرف تری بات مرے شاہِ زمن
Aap ki madah mein ash'ar ki lariyan bandhoun
Lab pe ho sirf teri baat mere shah-e-zaman
آپ کی شان میں ہر روز قصیدہ لکھ دوں
گر ملے حرف کی خیرات مرے شاہِ زمن
Aap ki shaan mein har roz qasida likh doun
Gar mile harf ki khairat mere shah-e-zaman
آپ کے ذکر کی محفل بھی سجاؤں آقا
گھر میں ہوتی رہیں برکات مرے شاہِ زمن
Aap ke zikr ki mehfil bhi sajayun aaqa
Ghar mein hoti rahen barakat mere shah-e-zaman
آپ کی سیرتِ اطہر کو بیاں کرتی ہیں
پاک قرآن کی آیات مرے شاہِ زمن
Aap ki seerat-e-athar ko bayan karti hain
Pak Quran ki ayat mere shah-e-zaman
آپ کے چہرۂ انور کی زیارت ہو مجھے
ہوں عطا مجھ کو وہ لمحات مرے شاہِ زمن
Aap ke chehra-e-anwar ki ziarat ho mujhe
Hun ata mujh ko wo lamhaat mere shah-e-zaman
آپ کی ’’ناز‘‘ مگن آپ کی مدحت میں رہے
یوں ہی کٹتے رہیں دن رات مرے شاہِ زمن
Aap ki "Naaz" magan aap ki madhat mein rahe
Yun hi kattay rahein din raat mere shah-e-zaman
Share This Naat
Share with friends and family
آج رحمت کی ہو برسات مرے شاہِ زمن
صفیہ ناز