خبر نہیں کہاں ہُوں، کدھر ہُوں، کیا ہُوں مَیں
فدائے جلوۂ سُلطانِ انبیاء ہُوں مَیں
Khabar nahin kahan hoon, kidhar hoon, kya hoon main
Fida-e-jalwa-e-Sultan-e-Anbiya hoon main
نبیؐ کی راہِ محبت میں گم ہُوا ہُوں میں
ہر اہلِ دل کے لیے منزلِ وفا ہُوں میں
Nabiؐ ki raah-e-mohabbat mein gum hua hoon main
Har ahl-e-dil ke liye manzil-e-wafa hoon main
اب اِس کے بعد کہاں عرضِ مُدّعا کی ہوس
زہے نصیب، درِ شاہؐ پر کھڑا ہُوں مَیں
Ab is ke baad kahan arz-e-mudda ki havas
Zahe naseeb, dar-e-Shahؐ par khada hoon main
مجھے تمازتِ خورشیِد حشر کا کیا ڈر
کہ زیرِ سایۂ دامانِ مصطفیٰؐ ہُوں مَیں
Mujhe tamazat-e-khurshi-e-hashar ka kya darr
Ke zair-e-saya-e-daaman-e-Mustafaؐ hoon main
کہاں یہ خاک کا ذرّہ، کہاں وہ نُورِ خدا
بشر کہوں نہ کہوں اُن کو، سوچتا ہُوں مَیں
Kahan ye khaak ka zarra, kahan woh noor-e-Khuda
Bashar kahoon na kahoon un ko, sochta hoon main
مجھے بھی بادِ صبا اُس طرف اُڑا لے چل
غبار بن کے سرِ رہگزر پڑا ہُوں مَیں
Mujhe bhi baad-e-saba us taraf ura le chal
Ghubaar ban ke sar-e-rahguzar padha hoon main
وُفورِ شوق ہے پھر دل میں موجزن میرے
اگرچہ اُن کے درِ پاک پر گیا ہُوں مَیں
Wufur-e-shauq hai phir dil mein maujzan mere
Agarche un ke dar-e-paak par gaya hoon main
ازل سے اُن کی تجلّی مری نگاہ میں ہے
یہ جانتا ہُوں کہ ’’بس اُن کو جانتا ہُوں مَیں‘‘
Azal se un ki tajalli meri nigah mein hai
Ye jaanta hoon ke “bas un ko jaanta hoon main”
ہمیشہ فضلِ خدا سے نصیب ہوتی ہے
جو چیز اُن کے وسیلے سے مانگتا ہُوں مَیں
Hamesha fazl-e-Khuda se naseeb hoti hai
Jo cheez un ke wasile se maangta hoon main
نصیرؔ! اُن کی عنایت ہے دَم بہ دَم مجھ پر
نوازتے ہیں وہی مجھ کو، ورنہ کیا ہُوں مَیں
Nasirؔ! un ki inayat hai dam ba dam mujh par
Nawazte hain wahi mujh ko, warna kya hoon main
Share This Naat
Share with friends and family
خبر نہیں کہاں ہُوں، کدھر ہُوں، کیا ہُوں مَیں
سید نصیرالدیں نصیر