دِل درد سے بسمل کی طرح لوٹ رہا ہو
سِینے پہ تسلِّی کو تِرا ہاتھ دَھرا ہو
Dil dard se basmil ki tarah lut raha ho
Sine pe tasalli ko tira haath dhara ho
بے چین رکھے مجھ کو تِرا دردِ محبّت
مِٹ جائے وہ دِل پھر جسے ارمانِ دَوا ہو
Bechain rakhe mujh ko tira dard-e-mohabbat
Mit jaye woh dil phir jise arman-e-dawa ho
دے اس کو دمِ نزع اگر حور بھی ساغر
منھ پھیر لے جو تشنہء دیدار تِرا ہو
De is ko dam-e-naz’ agar hoor bhi saghar
Munh pher le jo tashna-e-deedar tira ho
گر وقت ِ اَجل سر تری چو کھٹ پہ دَھرا ہو
جتنی ہوں قضا ایک ہی سجدہ میں ادا ہو
Gar waqt-e-ajal sar teri chokhat pe dhara ho
Jitni hon qaza ek hi sajda mein ada ho
مٹی نہ ہو برباد پسِ مرگ الٰہی !
جب خاک اُڑے میری مدینے کی ہوا ہو
Mitti na ho barbaad pas-e-marg ilahi!
Jab khaak urey meri Madine ki hawa ho
اللہ کا محبوب بنے جو تمیں چاہے
اُس کا تو بیاں ہی نہیں کچھ تم جسے چاہو
Allah ka mehboob bane jo tamein chahe
Us ka to bayan hi nahi kuch tum jise chaho
تم ذاتِ خدا سے نہ جدا ہو نہ خدا ہو
اللہ کو معلوم ہے کیا جانیئے کیا ہو
Tum zaat-e-Khuda se na juda ho na Khuda ho
Allah ko maloom hai kya janiye kya ho
آتا ہے فقیروں پہ اُنھیں پیَار کچھ ایسا
خود بھیک دیں اور خود کہیں منگتا کا بھلا ہو
Aata hai faqiron pe unhein piyar kuch aisa
Khud bheek dein aur khud kahein mangta ka bhala ho
ہر وقت کرم بندہ نوازی پہ تُلا ہے
کچھ کام نہیں اِس سے برا ہو کہ بھَلا ہو
Har waqt karam banda nawazi pe tula hai
Kuch kaam nahi is se bura ho ke bhala ho
قدرت نے اَزل میں یہ لکھا اُنکی جبیں پر
جو اِن کی رضا ہو‘ وہی خالق کی رضا ہو
Qudrat ne azal mein yeh likha unki jabeen par
Jo in ki raza ho, wahi Khaliq ki raza ho
شکر ایک کرم کا بھی اَدا ہو نہیں سکتا
دل اُن پہ فِدا جانِ حسؔن اُن پہ فِدا ہو
Shukr ek karam ka bhi ada ho nahi sakta
Dil un pe fida jaan-e-Hasan un pe fida ho
Share This Naat
Share with friends and family
دِل درد سے بسمل کی طرح لوٹ رہا ہو
نامعلوم