وہی ماحول کی پاکیزہ لطافت دیکھی
میں نے تو شہرِ مدینہ ہی میں جَنّت دیکھی
Wohi mahol ki pakeezah latafat dekhi
Maine to shehr-e-Madina hi mein jannat dekhi
مکہ جب فتح ہوا تھا تو زمانے بھر نے
دشمنوں پر بھی برستی ہوئی رحمت دیکھی
Makka jab fatah hua tha to zamane bhar ne
Dushmanon par bhi barasti hui rehmat dekhi
وہ جنہیں کفر نے حیوان بنا رکھا تھا
اُن کو اِنسان بنانے کی کرامت دیکھی
Woh jinhein kufr ne haywan bana rakha tha
Un ko insan banane ki karamat dekhi
اُن عناصر نے بھی ‘ جو سنگ زنی کرتے رہے
آپ کی ذات میں تجسیمِ محبت دیکھی
Un anasir ne bhi, jo sangzani karte rahe
Aap ki zaat mein tajseem-e-mohabbat dekhi
میں نے جب حضرتِ والا کا تَصوُّر باندھا
آسمانوں سے اُترتی ہوئی آیت دیکھی
Maine jab Hazrat-e-wala ka tasawwur bandha
Asmanon se utarti hui ayat dekhi
سرحدیں توڑ کے اسلام جہاں گیر ہوا
وقت نے آپ کی ہجرت میں یہ حکمت دیکھی
Sarhaden tod ke Islam jahan geer hua
Waqt ne aap ki hijrat mein yeh hikmat dekhi
Share This Naat
Share with friends and family
وہی ماحول کی پاکیزہ لطافت دیکھی
احمد ندیم قاسمی