سنا کر نعت ذوقِ نعت کی تکمیل کرتے ہیں
ترے اوصاف کا پرچار بالتفصیل کرتے ہیں
Suna kar naat zauq-e-naat ki takmeel karte hain
Tere ausaaf ka parchar bil-tafseel karte hain
درونِ دل سجا کر محفلِ میلاد ہم اکثر
ترے تذکار سے رنج و الم تحلیل کرتے ہیں
Daroon-e-dil saja kar mehfil-e-meelad hum aksar
Tere tazkar se ranj o alam tahleel karte hain
مرا حسنِ عمل ہے مشتمل اشعارِ مدحت پر
یہی اشعار میرے جرم کی تقلیل کرتے ہیں
Mera husn-e-amal hai mushtamil ash'ar-e-madhat par
Yahi ash'ar mere jurm ki taqleel karte hain
تصور میں سجا کر کوئے خوشبو کا حسیں منظر
ہم اپنی حسرتِ دیدار کی تکمیل کرتے ہیں
Tassawar mein saja kar kooye khushbu ka haseen manzar
Hum apni hasrat-e-deedar ki takmeel karte hain
یتیموں بے سہاروں کا سہارا ہیں مرے آقا
ہمیشہ بے نواؤں کی وہی تکفیل کرتے ہیں
Yateemon be-saharon ka sahara hain mere aaqa
Hamesha be-nawaon ki wahi takfeel karte hain
ملے گی کامرانی دو جہاں کی ایسے لوگوں کو
جو شاہِ انبیاء کے حکم کی تعمیل کرتے ہیں
Milegi kaamrani do jahaan ki aise logon ko
Jo shaah-e-anbiya ke hukum ki tameel karte hain
اگر مشکل کوئی درپیش ہو اشفاقؔ جیون میں
درودِ پاک سے ہم زیست کی تسہیل کرتے ہیں
Agar mushkil koi darpaish ho Ashfaq jeevan mein
Darood-e-Pak se hum zeest ki tasheel karte hain
Share This Naat
Share with friends and family
سنا کر نعت ذوقِ نعت کی تکمیل کرتے ہیں
اشفاق احمد غوری